பயன்பாட்டுக்கு எப்படி இருக்கிறது 'நத்திங் போன் (2)'?: ரிவ்யூ
கடந்த ஆண்டு வெளியான நத்திங் போன் (1)-ன் அப்கிரேடட் வெர்ஷனான நத்திங் போன் (2) ஸ்மார்ட்போன் மாடலை தற்போது இந்தியாவில் வெளியிட்டிருக்கிறது நத்திங் நிறுவனம். முதல் ஸ்மார்ட்போனில் ஹார்டுவேரில் புதுமைகளை புகுத்திய நத்திங், போன் (2)-வில் சாஃப்ட்வேரில் அதனை செய்ய முயன்றிருக்கிறது. வசதிகள்: 6.72 இன்ச் LTPO OLED டிஸ்பிளே ஸ்னார்டிராகன் 8+ ஜென் 1 ப்ராசஸர் 50MP+50 ரியர் கேமரா: 32MP செல்ஃபி கேமரா 4,700 mAh பேட்டரி 45W ஃபாஸ்ட் சார்ஜிங்: 15W வயர்லெஸ் சார்ஜிங்: 5W ரிவர்ஸ் சார்ஜிங் ஆண்ட்ராய்டு 13 விலை: 8 GB ரேம்+128 GB ஸ்டோரேஜ்-ரூ.44,999 12 GB ரேம்+256 GB ஸ்டோரேஜ்-ரூ.49,999 12 GB ரேம்+512 GB ஸ்டோரேஜ்-ரூ.54,999
டிசனை மற்றும் பில்ட் குவாலிட்டி:
டிசைன் மற்றும் பில்ட் குவாலிட்டியில் மிகச்சிறப்பாக செயல்பட்டிருக்கிறது நத்திங். எந்த இடத்திலும் பிளாஸ்டிக்கின் உபயோகமே இல்லை. அலுமினியம் மற்றும் கிளாஸைக் கொண்டே மொத்த போனையும் தயாரித்திருக்கிறது நத்திங். டிசைனும் யுனிக்கான போன் (1)-ப் போலவே பாக்ஸியான டிசனைக் கொண்டிருக்கிறது. மிட்ரேஞ்ச் ஆப்பிள் ஐபோனின் உணர்வைக் கொடுக்கிறது போன் (2)-வின் டிசைன். மிட்ரேஞ்ச் போனாக இருந்தாலும் டிசனைப் பொருத்தவரை ஒரு ப்ரீமியமான உணர்வைக் கொடுத்தது நத்திங் போன் (1), அதே உணர்வை போன் (2)-விலும் கொடுத்திருக்கிறது நத்திங். முந்தைய மாடலைப் போல வெள்ள மற்றும் கருப்பு ஆகிய இரண்டு நிறங்களில் மட்டும் போன் (2)-வையும் வெளியிட்டிருக்கிறது அந்நிறுவனம். ஆனால், இந்த முறை கொஞ்சம் கிரே ஷேடும் கலந்த கருமை நிறத்தைக் கொண்டிருக்கிறது போன் (2).
டிஸ்பிளே மற்றும் பேட்டரி:
போன் (1)-ன் டிஸ்பிளேவை விட சற்று பெரிய டிஸ்பிளேவைக் கொண்டிருக்கிறது போன் (2). முந்தைய போனில் OLED டிஸ்பிளே மட்டும் கொடுக்கப்பட்டிருக்க, புதிய போனில் LTPO தொழில்நுட்பத்துடன் கூடிய OLED-ஐ கொடுத்திருக்கிறது நத்திங். தேவைக்கேற்ற வகையில் 1Hz முதல் 120Hz வரை ரெப்ரெஷ் ரேட்டை மாற்றி மாற்றி பயன்படுத்திக் கொள்ளும் இந்த டிஸ்பிளே. HDR10+ சப்போர்ட்ட மற்றும் 1,600 நிட்ஸ் அதிகபட்ச பிரைட்னஸைக் கொண்டிருக்கிறது. இதனால் நல்ல சூரியஒளியிலும் போனை நம்மால் எளிதாகப் பயன்படுத்த முடிகிறது. அதீதப் பயன்பாட்டிற்கு ஒரு நாள் வரை முழுதாகத் தாக்குப்பிடிக்கிறது இதன் 4,700mAh பேட்டரி. 45W ஃபாஸ்ட் சார்ஜிங்குடன் 65 நிமிடத்தில் முழுவதுமாக சார்ஜ் செய்யவும் முடிகிறது.
ப்ராசஸர் பெர்ஃபாமன்ஸ்:
முந்தைய போனில் இருந்து பெரிய அப்கிரேடு என்றால் அது போன் (2)-வின் ப்ராசஸர் தான். குவால்காமின் கடந்தாண்டு ஃப்ளாக்ஷிப்பான் ஸ்னாப்டிராகன் 8+ ஜென் 1 ப்ராசஸரைப் பெற்றிருக்கிறது நத்திங் போன் (2). தினசரி பயன்பாட்டிற்கும் சரி, அதீத விளையாட்டிற்கும் சரி சிறந்த பெர்ஃபாமன்ஸைக் கொண்டிருக்கிறது இந்த போன் (2). கேம்கள் விளையாடும் போது கொஞ்சம் சூடாகிறது, அவ்வளவு தான். ஆனால், பெர்ஃபாமன்ஸில் எந்தத் தொய்வும் ஏற்படவில்லை. மேலும், இதன் நத்திங் OS 2.0 சாஃப்டவேர் மிகச் சிறப்பான பயனர் அனுபவத்தைக் கொடுக்கிறது. நத்திங் கூறியிருப்பது போல் சாஃப்ட்வேரில் புதுமையான பல விஷயங்களைச் சேர்த்திருக்கிறது. ப்ரீமியம் ஸ்மார்ட்போனில் ஒரு ஸ்டாக் ஆண்ட்ராய்டு அனுபவத்தைக் கொடுக்கிறது நத்திங் போன் (2).
கேமரா பெர்ஃபாமன்ஸ்:
போன் (1)-ஐ போலவே, புதிய போனிலும் 50MP+50MP டூயல் கேமரா செட்டப்பைக் கொடுத்திருக்கிறது நத்திங். 50MP IMX890-ஐ முதன்மைக் கேமராவாகக் கொடுத்திருக்கிறது நத்திங். இதன் செயல்பாடும் மிகவும் சிறப்பாகவே இருக்கிறது. இரண்டாவதாக 50MP சாம்சங் JN1 அல்ட்ரா-வைடு கேமரா. இந்த இரண்டாவது கேமராவின் பெர்ஃபாமன்ஸ் இன்னும் சிறப்பாக இருந்திருக்கலாம் எனத் தோன்ற வைக்கிறது. இந்த அல்ட்ரா-வைடு கேமராவே மேக்ரோ கேமராவாகவும் செயல்படுகிறது. முன்பக்கம் 32MP செல்ஃபி கேமரா கொடுக்கப்பட்டிருக்கிறது. அதிலும், குறைகள் சொல்லுமளவு எதுவும் இல்லை. சிறப்பான புகைப்படங்களையே கொடுக்கிறது. முக்கியமாக இந்த நத்திங் கேமராக்கள் இரவிலும், குறைவான வெளிச்சத்திலும் சிறப்பான புகைப்படங்களைக் கொடுக்கின்றன. வீடியோ ரெக்கார்டிங்கும் குறை கூறும் அளவிற்கு இல்லை, நன்றாகவே இருக்கிறது.
இறுதியாக..
அப்பர் மிட்-ரேஞ்சு செக்மெண்டில் ஒரு சிறந்த தேர்வாக வெளியாகியிருக்கிறது இந்த நத்திங் போன் (2). மேலும், நத்திங் போன் (1)-ன் அப்கிரேடு என்பதற்கும் கொஞ்சம் நியாயம் சேர்த்திருக்கிறது. இதன் அனைத்து அம்சங்களும் சிறப்பாக இருக்கின்றன, விலையைத் தவிர. 40,000 ரூபாய்க்குள்ளான விலையில் வெளியாகியிருந்தால், நிச்சயமாக சிறப்பான போன் என இதனைக் கொண்டாடியிருக்கலாம். ஆனால், விலைக்கு முழுவதுமாக நியாயம் சேர்க்கவில்லை இந்த நத்திங் போன் (2). வயர்லெஸ் சார்ஜிங், தனித்துவமான டிசைன் மற்றும் கிளிப் லைட்டைத் தவிர்த்துப் பார்த்தால், இதனைவிட குறைவான விலை கொண்ட போன்கள் கொடுக்கும் அதே பெர்ஃபாமன்ஸையே கொடுக்கிறது இந்த நத்திங் போன் (2). தற்போதைய நிலையில் ஒன்பிளஸ் 11R இதனை விட சிறந்த தேர்வாகத் தோன்றுவதைத் தவிர்க்க முடியவில்லை.
