கூகுள் I/O நிகழ்வில் வெளியிடப்பட்ட புதிய சாதனங்கள் என்னென்ன?
செய்தி முன்னோட்டம்
தங்களுடைய I/O நிகழ்வில் மூன்று சாதனங்களை அறிமுகப்படுத்தியிருக்கிறது கூகுள். அவற்றின் அறிமுகங்கள் இங்கே.
பிக்ஸல் ஃபோல்டு:
தங்களுடைய முதல் ஃபோல்டபிள் ஸ்மார்ட்போனை I/O நிகழ்வில் அறிமுகப்படுத்தியிருக்கிறது கூகுள்.
$1,799 விலையில் (இந்திய மதிப்பில் ரூ.1,40,000) பிக்ஸல் ஃபோல்டு அறிமுகப்படுத்தப்பட்டிருக்கிறது. நிச்சயமாக இந்தியாவில் விற்பனை இல்லை.
டென்சார் G2 சிப் பயன்படுத்தப்பட்டிருக்கிறது. ஆண்ட்ராய்டு 13 இயங்குதளம், 12GB ரேம், 256GB மற்றும் 512GB ஸ்டேரேஜ் ஆப்ஷன்களுடன் வெளியாகியிருக்கிறது.
பிக்ஸல் டேப்லட்:
$499 விலையில் தங்களுடைய முதல் டேப்லட்டை வெளியிட்டிருக்கிறது கூகுள். இதுவும் இந்தியாவிற்கு இல்லை. அமெரிக்கா, பிரிட்டன் உள்ளிட்ட சில நாடுகளில் மட்டுமே விற்பனை செய்யப்படவிருக்கிறது.
இதிலும் டென்சார் G2 சிப்பே பயன்படுத்தப்பட்டிருக்கிறது. ஆண்ட்ராய்டு 13 இயங்குதளத்தைக் கொண்டிருக்கிறது.
கூகுள் I/O
கூகுள் பிக்ஸல் 7a:
மிட்ரேஞ்சு செக்மண்டில் வெளியிடப்பட்ட இந்த பிக்ஸல் 7a-வை மட்டுமே இந்தியாவிலும் வெளியிட்டிருக்கிறது கூகுள்.
ரூ.43,999 விலையில் இந்தியாவில் வெளியாகியிருக்கிறது 7a.
6.1-இன்ச் OLED டிஸ்பிளே, 90Hz ரெப்ரஷ் ரேட், 5G வசதி, 4,410mAh பேட்டரி, 18W ஃபாஸ்ட் சார்ஜிங், வயர்லெஸ் சார்ஜிங் வசதி, ஆண்ட்ராய்டு 13 ஆகிய வசதிகள் கொடுக்கப்பட்டிருக்கின்றன.
ஆண்ட்ராய்டு 14 வெளியானதும் (ஆகஸ்ட் அல்லது செப்டம்பரில்) உடனடியாக இந்த ஸ்மார்ட்போனும் அப்டேட் செய்யப்படும் எனத் தெரிவித்திருக்கிறது கூகுள்.
ப்ரீமியம் ஸ்மார்ட்போனில் பயன்படுத்திய அதே டென்சார் G2 சிப்செட்டையே இதற்கும் கொடுத்திருக்கிறது கூகுள். 8GB ரேம், 128GB ஸ்டோரேஜ் என்ற ஒரு வேரியன்டில் மட்டுமே கிடைக்கிறது.
மொத்தத்தில் பிக்ஸல் 6a-வின் அப்டேட்டட் வெர்ஷனாக வெளியாகியிருக்கிறது கூகுள் பிக்ஸல் 7a.