iPhone ரசிகர்களுக்கு நற்செய்தி! தரமான OLED டிஸ்ப்ளே.. ஆனால் குறைந்த விலை?
செய்தி முன்னோட்டம்
மெமரி சிப்புகளின் விலை தொடர்ந்து அதிகரித்து வரும் நிலையில், விரைவில் வெளிவரவுள்ள ஐஃபோன் 18 புரோ மேக்ஸ் மாடலில் பயன்படுத்தப்படும் OLED திரைகளின் விலையைக் குறைக்குமாறு அதன் தயாரிப்பாளர்களிடம் ஆப்பிள் நிறுவனம் வலியுறுத்தி வருகிறது. தி எலெக் வெளியிட்ட அறிக்கையின்படி, ஐஃபோன் 18 புரோ மேக்ஸ் மாடலுக்கான OLED திரைக்கு சுமார் 70 டாலர் வரை செலுத்த ஆப்பிள் நிறுவனம் முன்வந்துள்ளது. சாம்சங் டிஸ்ப்ளே மற்றும் எல்ஜி டிஸ்ப்ளே ஆகிய நிறுவனங்கள் சராசரியாக 66.50 டாலர் விலையில் இத்திரைகளை வழங்கும் என எதிர்பார்க்கப்படுகிறது. இது முந்தைய ஐஃபோன் 17 புரோ மேக்ஸ் திரையின் விலையை விட தோராயமாக 20 சதவீதம் குறைவாகும்.
தொழில்நுட்பம்
மேம்படுத்தப்பட்ட திரைத் தொழில்நுட்பம்
குறைந்த விலையிலான திரைகள் என்பதால் தயாரிப்பின் தரம் குறையும் என்று பயப்படத் தேவையில்லை.
மாறாக, ஐபோன் 18 புரோ வரிசையில் சாம்சங்கின் புதிய M16 OLED தொழில்நுட்பப் பொருட்கள் பயன்படுத்தப்பட உள்ளன.
இது திரையின் பிரகாசம், நீடித்துழைக்கும் காலம் மற்றும் நிறங்களை மிகத் துல்லியமாகக் காட்டும் திறனை அதிகரிக்கும் எனத் தெரிவிக்கப்பட்டுள்ளது.
மெமரி சிப்புகளின் கடும் விலையேற்றத்தால் ஏற்படும் கூடுதல் செலவை ஈடுகட்டவே, ஆப்பிள் நிறுவனம் திரை மற்றும் கேமரா பாகங்களின் விலையைக் குறைக்க பேச்சுவார்த்தை நடத்தி வருகிறது.
இந்த ஆண்டும் சாம்சங் சுமார் 46 மில்லியன் திரைகளையும், எல்ஜி 41.09 மில்லியன் திரைகளையும் ஆப்பிள் நிறுவனத்திற்கு விநியோகம் செய்யும் என மதிப்பிடப்பட்டுள்ளது.