செவ்வாய் கிரகத்தில் உள்ள இடங்கள் மற்றும் பொருட்களுக்கு எப்படி பெயர் சூட்டுகின்றனர்?
செய்தி முன்னோட்டம்
செவ்வாய் கிரகத்தில் தற்போது நாசாவின் பெர்செவரன்ஸ் மற்றும் க்யூரியாசிட்டி ஆகிய இரண்டு ரோவர்கள் சுற்றித் திரிந்து ஆய்வு செய்தும், மாதிரிகளை சேகரித்தும் வருகின்றன.
இரண்டு ரோவர்களும் அந்தக் கிரகத்தின் 3,200 கிமீ தொலைவில் தற்போது பணிபுரிந்து வருகின்றன.
செவ்வாயின் பல்வேறு இடங்களுக்குப் பயணம் செய்து, பல்வேறு மாதிரிகளைக் கைப்பற்றும் போது, அவை செல்லும் இடங்களையும், அவை சேகரிக்கும் மாதிரியையும் குறிக்க பெயர்கள் வேண்டாமா?
எனவே, அந்த ரோவர்கள் தரையிறக்கப்பட்ட இடம், அவை செல்லும் இடம், சேகரிக்கும் மாதிரிகள் என அனைத்துக்கும் தனித்துவமான பெயர்களைச் சூட்டியிருக்கிறது நாசா.
ஆனால், இந்த பெயர்கள் எப்படி சூட்டப்படுகின்றன?
விண்வெளியில் ஆய்வாளர்கள் கண்டறியும் பொருட்களுக்குப் பெயர்சூட்ட பல்வேறு வழிமுறைகள் இருக்கின்றனவாம். அவற்றை சர்வதேச வானியல் கூட்டமைப்பு மேற்பார்வையும் செய்கிறதாம்.
நாசா
எவ்வாறு பெயர் சூட்டுகின்றனர்?
பெர்செவரன்ஸ் ரோவரானது தற்போது பாறைகள் நிறைந்த பெல்வா பள்ளத்தாக்கிற்கு அருகில் ஆய்வு செய்து வருகிறது. இந்த பெல்வா என்ற பெயரானது வெஸ்ட் விர்ஜினியாவில் உள்ள நகரின் பெயராம். அந்தப் பெயரை செவ்வாயில் உள்ள பள்ளத்தாக்கிற்கு சூட்டியிருக்கின்றனர்.
செவ்வாயில் உள்ள சிறிய பள்ளத்தாக்குகளுக்கு பூமியில் உள்ள சிறிய நகரங்களின் பெயரை வைக்கலாமாம். பெரிய பள்ளத்தாக்கு அல்லது மலைமுகடு என்றால் அதற்கென தனி விதிகள் இருக்கின்றனவாம்.
மலைமுகடு, பள்ளத்தாக்கு, ஏரி மட்டுமல்லாது சிறிய கற்கள் மற்றும் பாறைகளுக்குக் கூட பெயர் வைத்திருக்கின்றனர் நாசா ஆய்வாளர்கள். சிறிய பொருட்களுக்கான பெயர்களை அதனை ஆய்வு செய்யும் குழுவே முடிவு செய்து கொள்கின்றனர்.
இவை அதிகாரப்பூர்வ பெயர்களாக அல்லாமல் செல்லப் பெயர்களாக இருக்கின்றன.