ஒரு வருடத்திற்கான பணம் தரோம்... ஊழியர்களிடம் கெஞ்சும் கூகுள் அமேசான்!
செய்தி முன்னோட்டம்
டெக் நிறுவனங்கள் கொரோனாவுக்கு பணிநீக்கத்தில் அதிகமாக ஈடுப்பட்டு வந்தது. அதிலும் அமெரிக்காவில் உள்ளிட்ட நிறுவனங்கள் பல்லாயிரக்கணக்கான ஊழியர்களை பணிநீக்கம் செய்து வருகின்றன. உலகில் உள்ள அனைத்து டெக் நிறுவனங்களுமே தொழில்நுட்ப மந்தநிலை காரணமாக பணிநீக்கம் செய்வதாகவே கூறி வருகிறது. இப்படி இருக்கும் நேரத்தில், ஐரோப்பாவில் உள்ள நிறுவனங்கள் ஒரு வருடத்திற்கான சம்பளத்தை தருகிறோம் வேலையை விட்டு போய்விடுங்கள் என கெஞ்சி வருகின்றனர். எனவே, ஜெர்மனி, பிரான்ஸ் மற்றும் ஐரோப்பிய நாடுகளில் தொழிலாளர்களுக்கு சட்டம் கடுமையாக இருப்பதால், ஊழியர்களை அவர்களால் இஷ்டத்துக்கு பணிநீக்கம் செய்ய முடியாது.
கூகுள் அமேசான் பணிநீக்கம்
ஐரோப்பாவில் கூகுள் அமேசான் ஊழியர்களை பணிநீக்கம் செய்ய கதறல் - ஏன்?
அப்படி ஆட்குறைப்பை செய்தாலும் அவர்களிடம் பேச்சுவார்த்தை நடத்த வேண்டும். ஆனாலும் இவை பெரிய ஒத்துழைப்பை தராது என, அந்நிறுவனங்கள் ஒரு வருடத்திற்கான சம்பளம், மற்றும் இழப்பீடுகளை தருகிறோம். ஊழியர்கள் தாமாகவே ராஜினாமா செய்துவிடுங்கள் என பிரான்ஸ், ஜெர்மனியில் உள்ள கூகுள் மற்றும் அமேசான் நிறுவனங்கள் கெஞ்சி வருகிறார்கள். கூகுள் இழப்பீடு தொகை தருவதாகவும், அமேசான் நிறுவனம் ஒரு வருடத்திற்கான சம்பளத்தை மொத்தமாகவே தருவதாக தெரிவித்துள்ளது. இதேப்போன்று, இங்கிலாந்திலும், கூகுள் 500 ஊழியர்களை பணிநீக்கம் செய்யவும், அவர்களுக்கு இழப்பீடு தொகை கொடுக்கவும் திட்டமிட்டுள்ளது. மேலும், தொழிலாளர் விதிகள் கடுமையாக இல்லாத காரணத்தால் இந்தியாவிலும், அமெரிக்காவிலும் ஊழியர்களை எளிதாக பணிநீக்கம் செய்ய முடியுமா என்ற கேள்விகளும் தற்போது எழுந்து வருகிறது.