தொடர்ந்து ஏற்றத்துக்குபின் சரிந்த தங்கம் விலை! இன்றைய விபரம்
செய்தி முன்னோட்டம்
தங்கம் விலையானது அடிக்கடி ஏற்ற இறக்கமாக உள்ளது. ஒரு சில நாட்களில் வான்முட்டும் விலைக்கு செல்லும் தங்க விலை, சில நாட்களில் வாடிக்கையாளர்களை குஷிப்படுத்துவது போல குறைவது வழக்கம்.
அந்த நாட்களில் தங்கம் வாங்க மக்கள் அலைகடலென திரண்டு வருவதும் உண்டு. ஆனால் பண்டிகை நாட்களில் தங்கம் விலையானது ராக்கெட் வேகத்தில் ஏறும்.
அதே போல, இந்த தடவை மாநில பட்ஜெட்டிற்கு பிறகும் மளமளவென தங்கம் விலை உயரத்தொடங்கியது.
அந்த வகையில், தங்கம் விலை கடந்த சில நாட்களாகவே ஏற்றத்தை கண்ட நிலையில், இன்று, மார்ச் 25 -ஆம் தேதிபடி, தங்கம் சவரனுக்கு ரூ.80 குறைந்து, ரூ.44,400க்கு விற்பனை செய்யப்படுகிறது.
அதேபோல், தங்கதின் விலை கிராமுக்கு ரூ.10 குறைந்து, 5,550-க்கு விற்பனை செய்யப்படுகிறது.
தங்கம் விலை
தங்கம் மற்றும் வெள்ளி விலை சற்று குறைவு - இன்றைய நிலவரம்
வெள்ளியின் விலை
மேலும், வெள்ளி விலையும், கிராமுக்கு 30 காசுகள் உயர்ந்து ரூ.76-க்கு விற்பனை செய்யப்படுகிறது. அதோடு, 1 கிலோ வெள்ளியின் விலை 76,000 ஆக விற்பனையாகிறது.
சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் ஏற்ற, இறக்கங்கள் நிலவுகின்றன.
அதுமட்டுமின்றி, மத்திய தங்க பத்திர மூதலீடு திட்டத்தை கொண்டுவந்துள்ள போதிலும், தங்கம் விற்பனையாவது குறையவில்லை என்பதே உண்மை
தங்கத்தின் மீது செய்யப்படும் முதலீடுகளுக்கு தக்க லாபம் கிடைத்து வருகிறது.
இதைத்தவிர, பொதுவாக குடும்பங்களில் தங்க ஆபரணங்கள் தலைமுறை தலைமுறையாக கைமாறி கொண்டே இருக்கும்.
அதனால் தான், குடும்பத்தில் தங்கத்திற்கு முக்கியத்துவம் வாய்ந்த இடம் அளிக்கப்பட்டு வருகிறது.