சந்திரயான் 3: ப்ரொபல்ஷன் மாடியூலில் இருந்து வெற்றிகரமாகப் பிரிந்த லேண்டர் மாடியூல்
செய்தி முன்னோட்டம்
நேற்று நிலவைச் சுற்றி வரும் சந்திரயான்-3யின் கடைசி சுற்றுவட்டப்பாதை உயரக் குறைப்பு நடவடிக்கையை வெற்றிகரமாக மேற்கொண்டது இஸ்ரோ. அதனைத் தொடர்ந்து, நிலவை 153 கிமீ சுற்றுவட்டப்பாதையில் சுற்றி வந்து கொண்டிருந்தது சந்திரயான்-3.
இதனைத் தொடர்ந்து, தற்போது சந்திரயான்-3யின் ப்ரொபல்ஷன் மாடியூலில் இருந்து லேண்டர் மாடியூலானது வெற்றிகரமாகப் பிரிக்கப்பட்டிருக்கிறது.
இது குறித்த அறிவிப்பை எக்ஸ் தளத்தில் பகிர்ந்திருக்கிறது இஸ்ரோ. இதன் அடுத்த கட்டமாக நாளை மாலை 4 மணியளவில், லேண்டர் மாடியூலின் Deboosting நடவடிக்கையை மேற்கொள்ளத் திட்டமிட்டிருக்கிறது இஸ்ரோ.
அந்த நடவடிக்கையைத் தொடர்ந்து, மேலும் குறைந்த சுற்று வட்டப்பாதையில், நிலவைச் சுற்றிவரவிருக்கிறது லேண்டர் மாடியூல். ஆகஸ்ட் 23-ல் லேண்டர் நிலவில் தரையிறங்கவிருக்கும் நிலையில், ப்ரொபல்ஷன் மாடியூலானது தொடர்ந்து பல ஆண்டுகளுக்கு நிலைவச் சுற்றி வரவிருக்கிறது.
ட்விட்டர் அஞ்சல்
இன்றைய செயல்பாடு குறித்த இஸ்ரோவின் எக்ஸ் பதிவு:
Chandrayaan-3 Mission:
— ISRO (@isro) August 17, 2023
‘Thanks for the ride, mate! 👋’
said the Lander Module (LM).
LM is successfully separated from the Propulsion Module (PM)
LM is set to descend to a slightly lower orbit upon a deboosting planned for tomorrow around 1600 Hrs., IST.
Now, 🇮🇳 has3⃣ 🛰️🛰️🛰️… pic.twitter.com/rJKkPSr6Ct