விக்கிபீடியா போலிக்கணக்குகள் - கடனை திருப்பி அளித்து மீண்டு வரும் அதானி குழுமம்
செய்தி முன்னோட்டம்
ஹிண்டன்பர்க் அறிக்கையால் அதானிகுழுமம் மிகப்பெரிய சரிவை சந்தித்து வருகிறது. இதுவரையில் ரூ.11 லட்சம் கோடிக்கு மேல் அக்குழுமத்துக்கு இழப்பு ஏற்பட்டுள்ளது. உலக கோடீஸ்வரர்கள் பட்டியலில் 2ஆம் இடம் வகித்துவந்த அதானி, இந்த அறிக்கையால் 26வது இடத்துக்குத் தள்ளப்பட்டார். இந்நிலையில், அதானி குழுமத்துக்கு ரூ.2.26 லட்சம் கோடி கடன் உள்ள நிலையில், அதானி குழுமம் கடனை முழுமையாக திருப்பிச் செலுத்தும் நடவடிக்கையில் இறங்கியுள்ளது. அதன்படி, அதானி போர்ட் நிறுவனம் ரூ.1,500 கோடி கடனை திருப்பிச் செலுத்தி யுள்ளது. இதில் ரூ.1,000 கோடி எஸ்பிஐ மியூச்சுவல் பண்ட் நிறு வனத்துக்கும் ரூ.500 கோடி ஆதித்ய பிர்லா லைப் மியூச்சுவல் பண்ட் நிறுவனத்துக்கும் வழங்கப் பட்டுள்ளது.
அதானி குழுமம்
விக்கிப்பீடியாவின் போலி அறிக்கை - நம்பிக்கையை மீட்டெடுக்கும் அதானி குழுமம்
இதனிடையில், தானி குழுமம் சார்ந்து விக்கிப்பீடியா புதிய குற்றச்சாற்றை முன்வைத்துள்ளது. அதில், அதானி பற்றிய கட்டுரைகள் 2007ஆம் ஆண்டு முதல் விக்கிபீடியா பக்கத்தில் எழுதப்பட்டு வருகின்றன. இதுவரையில் 40 போலிகணக்குகள் மூலம் விக்கிப்பீடியாவில் அதானி மற்றும் அவரது குடும்ப நிறுவனங்கள் தொடர்பான 9 கட்டுரைகளில் நடுநிலையற்ற தகவல்கள் சேர்க்கப்பட்டுள்ளன. பணம் வாங்கிக் கொண்டு எழுதும் ஆசிரியர்கள் பலர், அதானி குழுமம் பற்றிய கட்டுரைகளை எழுதியுள்ளதாகவும் கூறப்படுகின்றது. அவர்களில் சிலர் அதானி நிறுவன ஊழியர்கள் என்று 'தி சைன் போஸ்ட்' அறிக்கையில் தெரிவிக்கப்பட்டுள்ளது.