வாட்ஸ்அப்பில் உங்களுக்கு தெரியாத 3 வசதிகள்!
ஸ்மார்ட்போன் வைத்திருக்கும் அனைவருக்கும் வாட்ஸ்அப் தான் அடிப்படை தகவல் பரிமாற்றத் தளமாக இருக்கும். எந்தவொரு சேவையை எடுத்துக் கொண்டாலும் நமக்குத் தெரியாத சில வசதிகள் அதில் ஒளிந்திருக்கும் அல்லது நமக்குத் தெரியாமல் இருக்கும். அப்படியான சில வசதிகளைப் பார்க்கலாம். மொபைல் எண்ணை சேமிக்காமலேயே சாட் செய்வது: வாட்ஸ்அப்பில் சிலருக்கு ஒருவருடைய மொபைல் எண்ணை சேமிக்காமலேயே அவர்களுடன் சாட் செய்ய ஒரு வழி இருக்கிறது. தொடர்பு கொள்ளவேண்டிய எண்ணை நண்பர்களுக்கோ அல்லது உங்களுடைய சாட்டிலேயே கூட குறுஞ்செய்தியாக அனுப்பிவிடுங்கள். பின்னர் அந்த எண்ணைக் கிளிக் செய்தால் 'சாட் வித் xxxxx' என்ற தேர்வு இருக்கும். அதனை கிளிக் செய்து மொபைல் எண்ணை சேமிக்காமலேயே வாட்ஸ்அப்பில் தகவல் பரிமாறிக் கொள்ளலாம்.
உயர்தர புகைப்படங்களை அனுப்புவது எப்படி?
வாட்ஸ்அப்பில் நாம் அனுப்பும் புகைப்படங்கள் பெரும்பாலும் நாம் அனுப்பும் தரத்தை விட பெறுபவருக்கு குறைந்த தரத்தில் தான் சென்று சேரும். குறைவான மொபைல் டேட்டாவைப் பயன்படுத்துவதற்காகவும், விரைவாக புகைப்படங்களை அனுப்புவதற்காகவும் இப்படியான அளவீடை வைத்திருக்கிறது வாட்ஸ்அப். வாட்ஸ்அப்பில் Settings-Storage and Data-Photo Upload Quality-Best Quality என செட்டிங்கை மாற்றி உயர்தர புகைப்படங்களை அனுப்பிக் கொள்ளலாம். வாட்ஸ்அப் பயன்படுத்துவதை மறைப்பது எப்படி? கடைசியாக எப்போது வாட்ஸ்அப் செயலியை பயன்படுத்தினோம் என்பதை மறைப்பதைப் போலவே, வாட்ஸ்அப் பயன்படுத்தும் போது Online என மற்றவர்களுக்கு காட்டுவதையும் மறைக்கும் வசதியை சமீபத்தில் அறிமுகப்படுத்தியது அந்நிறுவனம். அதற்கு Settings-Privacy-Last seen and Online-ல், Nobody மற்றும் Same as Last seen என்ற ஆப்ஷன்களை தேர்ந்தெடுக்க வேண்டும்.
இந்த காலவரிசையைப் பகிரவும்