இணையத்தில் ட்ரெண்ட் ஆகும் முதல்வர் வீட்டின் சமையலறை வீடியோ
கிச்சன் டூர் என்பது தற்போது பிரபலமாக இருக்கிறது. பிரபலங்களின் வீட்டிற்கு சென்று, அவர்கள் வீட்டின் உட்புறத்தையும், அவர்கள் சமையலறையையும் படம்பிடித்து வைரல் ஆக்கி வருகின்றனர், பல தனியார் சேனல்கள். அதிலும், முதல்வர் வீட்டின் வீடியோ என்றால் கேட்கவா வேண்டும்! அந்த வீடியோவில், முதல்வர் ஸ்டாலினின் மனைவி துர்கா ஸ்டாலினை பேட்டி எடுக்கின்றனர். அதில் ஆச்சரியமான விஷயம் என்னவென்றால், முதல்வராகவே இருந்தாலும், அவர் வீட்டின் சமையலறை, இன்றும் எளிமையாகவே காட்சி தருகிறது. சாதாரண மக்கள் வீட்டில் இருப்பது போலவே, மண் சட்டி, அம்மி கல், ஸ்டீல் பாத்திரங்கள் என, முதல்வர் வீட்டின் கிச்சன் இருக்கிறது என, பார்வையாளர்கள் ஆச்சரிய படுகின்றனர். அந்த நேர்காணல் வீடியோ தற்போது இணையத்தில் ட்ரெண்ட் ஆகி வருகிறது.
மண் பானையில் சமையல் செய்த துர்கா ஸ்டாலின்
அந்த வீடியோவில், துர்கா ஸ்டாலின் தன் கணவரான ஸ்டாலினுக்கும், மற்ற குடும்பத்தாருக்கும் பிடித்த மீன் குழம்பை, மண் பானையில் செய்து காட்டுகிறார். முதல்வர் ஸ்டாலினும் ஒரு நேர்காணலில், தனக்கும், தனது தந்தையான முன்னாள் முதல்வர் கருணாநிதிக்கும், துர்கா ஸ்டாலின் செய்யும் மீன் குழம்பு மிகவும் பிடிக்கும் என குறிப்பிட்டிருந்தார். மேலும் அந்த வீடியோவில், துர்கா ஸ்டாலின் கொரோனா காலத்தில், தான் கைப்பட செய்து தந்த கஷாயத்தை தான் குடும்பத்தினர் அனைவரும் பருகினார் என சுவாரஸ்ய தகவல் ஒன்றையும் குறிப்பிட்டார். அதோடு, துர்கா ஸ்டாலின், இதுபோன்ற சமையல் சம்மந்தப்பட்ட புத்தகங்களும், குறிப்புகளையும் விரும்பி படிப்பதாக தெரிவித்தார்.
