தூக்கம் பற்றிய விழிப்புணர்வு வாரம் 2023: தூக்கத்தை சுற்றி உலவும் சில கட்டுக்கதைகள்
செய்தி முன்னோட்டம்
இந்த வேகமான உலகில், பெரும்பாலோர் ஒர்க்-லைஃப் பேலன்சை சமன் செய்யமுடியாமல் திணறுவதை பார்க்க முடிகிறது. அப்படி பதட்ட நிலையில் இருப்பவர்களால், சரியான நேரத்தில், சரியான அளவு உறக்கத்தை பெற முடிவதில்லை. அது அவர்களின் உடல்நிலையையும், வாழ்க்கையையும் பாதிக்கிறது. அமெரிக்காவில், இந்த வாரம், மார்ச் 12 துவங்கி, தூக்க விழிப்புணர்வு வாரமாக அனுசரிக்கப்படுகிறது. இந்நாளில், இந்த தூக்கத்தை சுற்றி உலவும் சில கட்டுக்கதைகளை பற்றி காண்போம்.
கட்டுக்கதை: 5 அல்லது அதற்கும் குறைவான மணிநேர தூக்கம் போதும்: அது தவறு. உலகெங்கிலும் உள்ள வல்லுநர்கள், ஒரு நபர் தினமும் 7 -9 மணி நேரம் வரை தூங்க வேண்டும் என்று தொடர்ந்து வலியுறுத்துகின்றனர். அதை விட குறைவாகவோ, அதிகமாகவோ தூங்குவது ஆரோக்கியத்திற்கு தீங்கு விளைவிக்கும்
தூக்கம்
உறங்கும் போதும் மூளை சுறுசுறுப்பாகவே இயங்கும்
கட்டுக்கதை: தூக்கத்தின் தரத்தை விட அதன் அளவே முக்கியம்: தூக்கத்தின் காலம் முக்கியமானது என்றாலும், ஆரோக்கியமான வாழ்க்கை முறைக்கு தூக்கத்தின் தரமும் முக்கியமானது. தூக்க சுழற்சிகளுக்கு இடையில் எழுந்திருப்பது எதிர்மறையான விளைவுகளை ஏற்படுத்துகிறது.
கட்டுக்கதை: நீங்கள் எப்போது தூங்குகிறீர்கள் என்பது முக்கியமல்ல: ஆய்வுகளின்படி, நீங்கள் உறங்க செல்லும் நேரத்திற்கு ஏற்ப, இயற்கையாகவே உடலின் தூக்கம்-விழிப்பு சுழற்சியை நிர்வகிக்கிறது. அந்த சுழற்சி மாறிக்கொண்டே இருந்தால், அது உங்கள் வளர்சிதை, மன ஆரோக்கியம் மற்றும் இருதய செயல்பாடு ஆகியவற்றை நாளடைவில் பாதிக்கும்.
கட்டுக்கதை: தூங்கும்போது நமது மூளை செயலிழந்துவிடும்: அது உண்மையாக இருந்திருந்தால், நீங்கள் எப்போதோ இறந்திருக்க வேண்டும். ஆழ்ந்த உறக்கத்தில் இருக்கும் போது கூட நமது மூளை சுறுசுறுப்பாக இயங்கும்.