காதலர்களே, உங்கள் ஜோடியுடன் இந்த வருட காதலர் தினத்தை கொண்டாட சில சர்ப்ரைஸ் வழிகள்
செய்தி முன்னோட்டம்
வரும் பிப்ரவரி 14-ம் தேதி, உலக காதலர் தினம். ரோஜா பூக்கள், சாக்லேட்கள் என்றும் எப்போதும் போல் இல்லாமல், ஏதேனும் வித்தியாசமாய் செய்ய வேண்டும் என்று மூளையை கசக்கி கொண்டிருப்பவர்களுக்கு, சில சர்ப்ரைஸ் ஐடியாக்கள் இதோ:
'First date'-ஐ மீண்டும் உருவாக்கவும்: நீங்கள் சென்ற முதல் date எப்போதும் ஸ்பெஷல்தான். அதை மறுபடியும் உருவாக்குவது ஒரு இனிய பரிசாக இருக்கும். அதே இடம், அதே ஆடை என முடிந்த வரை அதே நாளை மீண்டும் கொண்டு வர முயற்சிக்கலாம்.
இரவின் மடியில், நட்சத்திரங்களின் உலா: காதலர்கள் இருவரும் கை கோர்த்து, நட்சத்திரங்களை ரசிப்பது என்பது அனைவரின் கனவாகவே இருக்கும். அது போன்ற ஒரு ரம்மியமான இடத்தை தேர்வு செய்து, நிலவொளியில்,நட்சத்திர அழகை ரசிக்கலாம்.
காதலர் தினம்
பிரியமானவர்களுடன், பிரியப்பட்ட இடத்தில் பொழுதை களிக்கலாம்
இருவரும் இணைந்து செய்யக்கூடியவை: நீங்களும் உங்கள் துணையும் இணைந்து விளையாடக்கூடிய பொழுதுபோக்கு விளையாட்டுகளை பட்டியலிடுங்கள். மலையேறுதல், ஓவியம், சமையல், என பல நிகழ்ச்சிகள் ஜோடியாக ஈடுபடும் வகையில், ஒரு நாள் முழுக்க அவர்களுடன் உற்சாகமாக களிக்கலாம்.
வேடிக்கையாகவும், ஆர்வத்தைத் தூண்டும் வகையில் திட்டமிடுங்கள்:உங்கள் துணைக்கு பிடிக்கும் வகையில், அவர்கள் தேர்ந்தெடுக்கும் வகையில் செயல்பாடுகளை அமைக்கலாம். இது போன்ற பல விளையாட்டுகள் சமுக வலைத்தளங்களில் மிக பிரபலம். அவற்றின் உதவியுடன், நீங்கள் தீர்மானிக்கலாம்.
நகரத்தின் பரபரப்பில் இருந்து விலகி செல்லுங்கள்: எப்போதும் நகர பரபரப்புக்கு இடையே நகரும் உங்கள் காதல் பயணத்தில் இருந்து சற்று விலகி, அமைதியான இடத்தை தேர்வு செய்து, உங்கள் நாளை கழிக்கலாம்.