உங்கள் குழந்தையை ஆரோக்கியமாகவும் சுறுசுறுப்பாகவும் வைத்திருக்க ஹெல்த்தி கோடைகால பானங்கள்
சமீபத்தில், பிரபலமான ஹெல்த் ட்ரிங்க் அன்று பலராலும் தேர்வு செய்யப்பட்ட Bournvita-வின் மூல பொருட்கள் குறித்து ட்விட்டர் பயனர் ஒருவர் பேசியது வைரலானது. இதற்காக, சிறுவர் உரிமைகள் பாதுகாப்புக்கான தேசிய ஆணையம் அந்நிறுவனத்திற்கு நோட்டீஸ் அனுப்பி இருந்தது. இது போன்ற பானங்களை தவிர்த்து, இயற்கையான சத்து பானங்களை குழந்தைகளுக்கு வழங்குவது சிறந்தது என்கிறார்கள் மருத்துவர்கள். இந்த கோடை வெயிலை சமாளிக்கவும், குழந்தைகளுக்கு தருவதற்கு ஏதுவான சூப்பர் ஹெல்த்தி ட்ரிங்க்ஸ் இதோ: இளநீர்: கோடைகாலத்து அற்புத பானமாக விற்பனையாகும் இளநீரை, தினசரி காலையில் குடித்து வரலாம். இது உடலுக்குத் தேவையான கனிமச்சத்துகளையும் வழங்கும். கோடை விடுமுறையில், குழந்தைகள் வெளியே விளையாட செல்லுமுன்னர் இளநீர் பருகி செல்வது நல்லது.
உப்பு சத்து குறைபாட்டை தவிர்க்கவும், சோர்வை குறைக்கவும் உதவும் பானங்கள்
மோர்: நீர் மோரை குடித்தால் நீர்ச்சத்து குறையாது என்பதோடு, செரிமானம் சார்ந்த பிரச்சனைகளும் தீரும். இதில் உப்பு சத்து இருப்பதால், வியர்வையினால் வெளியேறும் உப்பு சத்தை ஈடு செய்கிறது. லெமன் ஜூஸ்: உப்பும், சர்க்கரையும் கலந்த லெமன் ஜூஸ், வைட்டமின்கள் நிறைந்தது. சிறிது வளர்ந்த பிள்ளைகளுக்கு அதில் புதினாவும் கலந்து தரலாம். குளிர்ச்சியை தரும் இந்த ஜூஸ், உங்கள் குழந்தைகளின் ஆரோக்கியத்தை மேம்படுத்தும். கேப்பை கூழ்/ராகி மால்ட்: அனைத்து வயதினரும் பருகும் சத்துபானம் ஆகும். இதை காலை வெறும் வயிற்றிலேயே பருகலாம். பலவித ஊட்டச்சத்துகள் நிரம்பிய இந்த பானம், குழந்தைகள் வளர்ச்சிக்கு உறுதுணையாக இருக்கும். தர்பூசணி: கோடைகாலத்தில் மட்டுமே கிடைக்கும் தர்பூசணி பழங்களை ஜூஸ் அரைத்து தரலாம். உடல் சூட்டை தணிக்க உதவும்.
இந்த காலவரிசையைப் பகிரவும்