புரட்டாசி மாத ஸ்பெஷல் ரெசிபி: சுலபமாக 'காளான் 65' செய்வது எப்படி?
செய்தி முன்னோட்டம்
உணவு குறிப்புகள்: காளான் 65 என்பது காளான்களைப் பயன்படுத்தி செய்யப்படும் எளிதான இந்திய ஸ்நாக்ஸ் ரெசிபிகளில் ஒன்றாகும். சிக்கன் 65 பிரியர்களுக்கு ஏற்ற ஒரு சைவ உணவு இதுவாகும். இதை எப்படி செய்யலாம் என்பதை இப்போது பார்க்கலாம்.
தேவையான பொருட்கள்:
காளான்- 10
சமையல் எண்ணெய்
மாவு கலவைக்கு தேவையான பொருட்கள்:
மைதா- 1/2 கப்
சோள மாவு- 1/2 கப்
சிவப்பு மிளகாய் தூள் - 2 தேக்கரண்டி
இஞ்சி - பூண்டு விழுது - 1.5 தேக்கரண்டி
கரம் மசாலா தூள் - 1 தேக்கரண்டி
பெருஞ்சீரகம் தூள் - 1/2 தேக்கரண்டி(விருப்பத்திற்குரியது)
எலுமிச்சை சாறு - சில துளிகள்
உப்பு மற்றும் தண்ணீர் - தேவைக்கேற்ப
டிஜிவாக்ஸ்
'காளான் 65' செய்முறை:
காளான்களை கழுவி, அதன் தண்டுகளை நீக்கிவிட்டு, அதை கைகளில் பிடிப்பதற்கு ஏற்ற க்யூப்களாக நறுக்கவும்.
'மாவு கலவைக்கு தேவையான பொருட்கள்' என்பதில் குறிப்பிடப்பட்டிருக்கும் அனைத்து பொருட்களையும் எடுத்து, தண்ணீர் சேர்த்து மென்மையான பேஸ்டாக பிசையவும்.
கெட்டியான பஜ்ஜி மாவு பதத்திற்கு இந்த மாவை பிசைய வேண்டும்.
அதன் பிறகு, மாவு கலவையுடன் காளான் க்யூப்ஸ்களை சேர்த்து 30 நிமிடங்கள் ஊறவைக்கவும்.
பின்னர், நன்றாக எண்ணெயை சூடாக்கி, மாவில் ஊறவைத்த காளான் துண்டுகளை அதில் போட்டு, அதன் இருபுறமும் பொன்னிறமாகும் வரை வறுக்கவும்.
காளான் துண்டுகள் பொன்னிறமானதும் அதை எடுத்து, ஒரு பேப்பர் டவலில் போட்டு வைக்கவும்.
இந்த காளான் 65ஐ கெட்ச்அப் உடன் சேர்த்து மாலை வேளையில் தேநீருடன் சூடாக பரிமாறவும்.