வரும் சுதந்திர தினம் 2023, 76வது அல்லது 77வது ஆண்டு விழாவா? தெரிந்துகொள்வோம், வாருங்கள்
செய்தி முன்னோட்டம்
ஏறக்குறைய 200 ஆண்டுகால பிரிட்டிஷ் காலனித்துவ ஆட்சிக்கு முற்றுப்புள்ளி வைத்து, ஆகஸ்ட் 15, 1947 அன்று இந்தியா சுதந்திரம் அடைந்தது.
இந்தியா தனது சுதந்திர தினத்தை, நாளை, ஆகஸ்ட் 15 அன்று கொண்டாட தயாராகி வருகிறது.
ஆனால் கொண்டாட்டங்கள் தொடங்குவதற்கு முன், பலரும் தெரிந்து கொள்ள வேண்டிய ஒரு முக்கியமான விஷயம் உள்ளது.
இது எத்தனையாவது சுதந்திர தினம்? 76வது அல்லது 77வது? தெரிந்து கொள்வோம்.
இந்தியா தனது முதல் சுதந்திர தினத்தை ஆகஸ்ட் 15, 1948 அன்று கொண்டாடியது. இந்த கணக்குப்படி பார்த்தல், இந்த ஆண்டு சுதந்திரத்தின் 76-வது ஆண்டு விழாவாக இருக்கும்.
card 2
2023 ஆம் ஆண்டின் தீம்
இருப்பினும், ஆகஸ்ட் 15, 1947 அன்று, இந்தியாவின் சுதந்திரத்தின் தொடக்கமாக எண்ணத் தொடங்கினால், நாடு சுதந்திரம் அடைந்து 76 ஆண்டுகள் நிறைவடைந்ததாகக் கருதினால், அது 77 வது ஆண்டு விழாவாக மாறும்.
இரண்டு வாதங்களும் சரியானவை என்பதே இதன் முக்கிய அம்சம்.
2023 ஆம் ஆண்டில், சுதந்திர தினத்தின் முழக்கமாக "தேசம் முதலில், எப்போதும் முதலில்" இருக்கும் என அறிவிக்கப்பட்டுள்ளது. அதன் அடிப்படையிலே, இந்தாண்டின் சுதந்திரதின கொண்டாட்டங்கள் அமைந்திருக்கும்.
இந்த சிறப்பு கொண்டாட்டங்களின் ஒரு பகுதியாக, மத்திய அரசு, இந்திய பிரஜைகளை, தங்கள் வீடுகள் மற்றும் பணியிடங்களில், மூவர்ணக் கொடியை பெருமையுடன் காண்பிக்க ஊக்குவிக்கிறது.
இதற்காக, தபால் நிலையங்கள் மூலம் தேசியக் கொடியை விற்பனை செய்யும் முறையையும் அரசு அறிமுகப்படுத்தியுள்ளது குறிப்பிடத்தக்கது.