சாஃப்ட் ட்ராவல் பற்றி கேள்விப்பட்டதுண்டா? இந்தியாவில் இவ்வகை பிரயாணம் செய்ய ஏதுவான இடங்கள்
செய்தி முன்னோட்டம்
அடிக்கடி சுற்றுலா மற்றும் பயணம் மேற்கொள்ளுபவர்கள் பயன்படுத்தும் வார்த்தை சாஃப்ட் ட்ராவல் (Soft Travel).
இந்த வகை பிரயாணத்தில், அந்த ஊரின் மக்களுடன் ஒன்றிணைந்து வாழவும், அவர்களின் உணவு, வாழ்க்கை மற்றும் கலாச்சாரம் போன்றவற்றை புரிந்துகொள்ளவும் ஒரு வாய்ப்பு ஏற்படுத்தி தருகிறது.
அப்படி ஒரு பயணத்திற்கு ஏற்ற வகையில், இந்தியாவில் உள்ள இடங்கள் சிலவற்றை பற்றி ஒரு தொகுப்பு.
சிக்மகளூர், கர்நாடகா: கர்நாடகாவில் உள்ள சிக்மகளூர் நகரம், அதன் நீர்வீழ்ச்சிகள், உயரமான சிகரங்கள், தேசிய பூங்காக்கள் மற்றும் காபி தோட்டங்கள் ஆகியவற்றிற்கு கண்டிப்பாக பார்க்க வேண்டிய இடமாகும். கலப்படமற்ற இயற்கை அழகுடன் சூழப்பட்டிருக்கும் போது சிக்மகளூர் சந்தேகத்திற்கு இடமின்றி ஒரு அழகான அனுபவத்தை அளிக்கும்.
card 2
ரம்மியமான பயணத்திற்கு சில இடங்கள்
ஸ்பிட்டி பள்ளத்தாக்கு, இமாச்சல பிரதேசம்: ஸ்பிட்டி பள்ளத்தாக்கு, அழகான பனி மூடிய முலைகளுடன் கூடிய ஒரு தனித்துவமான இடம். இந்த இடத்தில கிடைக்கும் மனஅமைதி, இந்தியாவில் வேறு எங்குமே கிடைக்காது என உறுதியாக கூறலாம். இங்கே திறந்த வெளியில், நட்சத்திரங்களுக்கு அடியில் ஒரு அழகான அமைதியான இரவைக் கழிக்கலாம்.
அந்தமான் நிக்கோபார் தீவுகள்: கடல் வாழ்க்கை பிடித்தவர்கள் தவறாமல் பார்க்கவேண்டிய இடம். நீங்கள் அதிர்ஷ்டசாலியாக இருந்தால், சில கடற்கரைகளில் பயோலுமினென்சென்ஸை நீங்கள் பார்க்கலாம். இதுதவிர தீவுவாசிகளின் வாழ்க்கையைப் பற்றிய ஒரு பார்வையும் கிடைக்கும்.
மஜூலி தீவு, அசாம்: மஜூலி என்பது பிரம்மபுத்திரா நதியில் உள்ள அடர்த்தியான தாவரங்கள் மற்றும் மாசு இல்லாத நன்னீர் தீவு ஆகும். அதுமட்டுமின்றி, பழங்குடியினர் வசிக்கும் தீவு ஆகும்.