காதலர் தினத்தில் லாங் டிரைவ் பிளான் செய்கிறீர்களா? இந்த இடங்களை தேர்வு செய்யலாம்
பிரியமானவர்களுடன் லாங் டிரைவ் செல்வது அனைவருக்கும் பிடித்தமான ஒன்று. அதிலும் காதலர் தினத்தில் சென்றால், அதன் முக்கியத்துவமும், சுவாரஸ்யமும் வேறு. இந்த காதலர் தினத்தன்று, லாங் டிரைவ் செல்ல சில சூப்பர் இடங்களின் பட்டியல் இதோ: பெங்களூர் முதல் பந்திப்பூர் வனப்பகுதி வரை: 217 கிலோமீட்டர் தூரம் நீளும் பெங்களூரில் இருந்து பந்திப்பூர் வனப்பகுதி சாலைப் பயணம், அமைதியாகவும், இயற்கையின் அழகுடனும் இருக்கும். கூடுதலாக, பந்திப்பூரில், அரிய வனவிலங்குகளை காண, ஜீப் சபாரியில் செல்லலாம். சென்னை முதல் மூணாறு வரை: ஏறக்குறைய 592 கிலோமீட்டர்கள் தூரம், கம்பீரமான மலைகள், பிரமிக்க வைக்கும் தேயிலைத் தோட்டங்கள், அழகிய ஏரிகள் மற்றும் மயக்கும் நீர்வீழ்ச்சிகளைக் கடந்து செல்வது, ரொமான்டிக் டிரைவ்க்கான சரியான தேர்வு.
இமயமலையின் அழகை ரசிக்க சிம்லா முதல் மணாலி பாதையை தேர்ந்தெடுங்கள்
டார்ஜிலிங் முதல் பெல்லிங் வரை: தோராயமாக 107 கிலோமீட்டர்கள் தூரம் நீளும் இந்த மலை பாதை, கடல் மட்டத்திலிருந்து 7,200 அடி உயரத்தில் அமைந்துள்ளது. வழியில், நீங்கள் அற்புதமான கஞ்சன்ஜங்கா மலையை காணலாம். ஜெய்ப்பூர் முதல் ஜெய்சால்மர் வரை: நீங்கள் ஒருவேளை ராஜாக்களின் வாழ்க்கை முறையை கண்டு ரசிக்க விரும்பினால், பாலைவனப் பாதையை ரசித்துக்கொண்டே, இந்த 500 கிலோமீட்டர் தூர சாலைப் பயணத்தை தேர்வு செய்யலாம். கூடுதலாக ருசியான ராஜஸ்தானி உணவு வகைகளையும் ரசிக்கலாம். சிம்லா முதல் மணாலி வரை: இமயமலையின் அழகை ரசித்தவாறு 220 கிலோமீட்டர் பிரயாணம் செய்யலாம். வழியெங்கும், சுத்தமான காற்று, பசுமையான மலைகள் என இருக்கும் இந்த மலைப்பாதையின் நடுவே இருக்கும், பியாஸ் நதியையும் கண்டுகளிக்கலாம்.
