எண்டோமெட்ரியோசிஸ் விழிப்புணர்வு மாதம்: பெண்களை தாக்கும் இந்த நோய் பற்றி நீங்கள் தெரிந்து கொள்ளவேண்டியவை
எண்டோமெட்ரியோசிஸ் சொசைட்டி ஆஃப் இந்தியாவின் கூற்றுப்படி, 25மில்லியன் இந்தியப் பெண்கள் இந்த நோயால் பாதிக்கப்படுவதாக தெரிகிறது. எனினும் இந்த நோய் பற்றிய விழிப்புணர்வு மக்களிடத்தில், குறைவாகவே இருக்கிறது. அதனால், ஆண்டுதோறும், மார்ச் மாதம், எண்டோமெட்ரியோசிஸ் விழிப்புணர்வு மாதமாக அனுசரிக்கப்படுகிறது. எண்டோமெட்ரியோசிஸ் என்பது ஒரு குறைபாடு ஆகும். இதில் பொதுவாக கருப்பையை இணைக்கும் திசுக்கள், கருப்பைக்கு வெளியே வளரும். எண்டோமெட்ரியோசிஸின் குறிப்பிட்ட காரணங்கள் இன்னும் தெளிவாக கண்டுபிடிக்கப்படவில்லை என்றாலும், பொதுவான காரணங்கள் பின்வருமாறு: தலைகீழ் மாதவிடாய்: மாதவிடாய் காலத்தில், இரத்தத்தின் ஓட்டம் உடலை விட்டு வெளியேறாமல், இடுப்பு மற்றும் ஃபலோபியன் குழாய்களுக்குள் பின்னோக்கிச் செல்லும் போது, நிகழ்கிறது. கரு உயிரணு வளர்ச்சி:இடுப்பு மற்றும் வயிற்றுப் பகுதிகளில், கரு உயிரணு வளர்ச்சி ஏற்பட்டால், இது நிகழ்கிறது.
எண்டோமெட்ரியோசிஸால் ஏற்படும் சிக்கல்கள்
நோயெதிர்ப்பு கோளாறு: உங்கள் நோயெதிர்ப்பு மண்டலத்தில் கோளாறு ஏற்பட்டு, வெளிப்புற கருப்பையிலிருந்து திசுக்களை அகற்றுவதை தடுக்கும் போது நிகழ்கிறது. மரபணு: உங்கள் மரபணு சார்ந்ததாகவும் இருக்கலாம். பொதுவான அறிகுறிகள்: சிறு வயதிலேயே மாதவிடாய் தொடங்கும், வயதான பிறகு மாதவிடாய் நிறுத்தம், குறைந்த உடல்-எடை குறியீடு, இனப்பெருக்க மண்டலத்தில் அசாதாரணங்கள், மாதவிடாய் காலத்தில் வயிற்றுப்போக்கு, மலச்சிக்கல், வீக்கம் மற்றும் குறிகிய மாதவிடாய் சுழற்சி சிக்கல்கள்: கருவுறாமை: எண்டோமெட்ரியோசிஸ் நிலையால், ஃபலோபியன் குழாய் அடைபட்டு, கருமுட்டையும், விந்தணுவையும் ஒன்று சேர விடாமல் தடுக்கிறது. கருப்பை புற்றுநோய்: கருப்பை புற்றுநோய், எண்டோமெட்ரியோசிஸ் உள்ளவர்களுக்கு எதிர்பார்த்ததை விட, அதிக விகிதத்தில் ஏற்படுகிறது. நோய் தாக்கத்தின் வீரியத்தை பொறுத்து, மருந்துகள் மூலமாகவும், அறுவை சிகிச்சை மூலமாகவும் இந்த நிலையை குணப்படுத்தலாம்.
