சூடாக குடித்தால் தான் சூப்பா? கோடை வெயிலை விரட்டும் 5 'ஜில் ஜில்' குளிர் சூப்கள்!
செய்தி முன்னோட்டம்
கோடை வெயிலுக்கு குளிர்ச்சியான பானங்கள் மற்றும் உணவுகள் குடிப்பது அல்லது சாப்பிடுவது உடலுக்கு புத்துணர்ச்சி தருவதோடு, சுறுசுறுப்பாவும் வெச்சுக்கும். இந்த சீசனில், குளிர்ச்சியான சூப்களுக்கு என்று ஒரு தனி மவுசு உள்ளது. இந்த சூப்கள் சுவையாக இருப்பதோடு மட்டுமில்லாமல், ஆரோக்கியமாகவும் இருக்கும். இந்த கட்டுரையில், ஐந்து வித்தியாசமான மற்றும் சத்தான குளிர் சூப்களை எப்படி எளிமையாக வீட்டிலேயே செய்யலாம் என பார்க்கலாம். கோடை காலத்தில் இதை செய்து சூப்பராக அனுபவிக்கலாம்!
#1
வெள்ளரிக்காய் குளிர் சூப்
வெள்ளரிக்காய் குளிர் சூப் செய்வது மிகவும் எளிது. இது உடம்புக்கும் மிக நல்லது. இதை செய்ய, பிரெஷ்ஷாக உள்ள வெள்ளரிக்காய், தயிர், புதினா இலைகள், எலுமிச்சை சாறு, உப்பு ஆகியவற்றை ஒன்றாக சேர்த்து அரைத்துக் கொள்ள வேண்டும். இந்த கலவையை சில மணி நேரம் ஃப்ரிட்ஜில் வைத்து குளிர்ச்சியாக ஆக்க வேண்டும். பரிமாறும்போது மேலே கொஞ்சம் புதினா இலைகளை தூவி கொடுக்கலாம். இந்த சூப் உடலுக்கு புத்துணர்ச்சி கொடுப்பதோடு, புரதம், வைட்டமின் சத்துக்களையும் கொடுக்கும்.
#2
தக்காளி குளிர் சூப்
கோடைக்காலத்தில் தக்காளி குளிர் சூப் ஒரு நல்ல சாய்ஸ். இதை செய்ய, பழுத்த தக்காளி, வெங்காயம், பூண்டு, ஆலிவ் ஆயில் மற்றும் கொஞ்சம் வினிகர் சேர்த்து அரைத்துக் கொள்ள வேண்டும். இந்த கலவையும் சில மணி நேரம் ஃப்ரிட்ஜில் வைத்து குளிர்ச்சியாக அக்கா வேண்டும். பரிமாறும்போது மேலே கொஞ்சம் துளசி இலைகளை தூவி கொடுக்கலாம். இந்த சூப் சுவையாக இருப்பதோடு மட்டுமில்லாமல், இதில் உள்ள ஆன்டிஆக்ஸிடன்ட்கள் நம் ஆரோக்கியத்திற்கு மிகவும் நல்லது.
#3
கேரட் மற்றும் இஞ்சி குளிர் சூப்
கேரட் மற்றும் இஞ்சி குளிர் சூப் செய்ய, வேக வச்ச கேரட், துருவிய இஞ்சி, தேங்காய் தண்ணீர், கொஞ்சம் உப்பு ஆகிய அனைத்தையும் சேர்த்து அரைத்துக் கொள்ள வேண்டும். இதையும் சில மணி நேரம் ஃப்ரிட்ஜில் வைத்து குளிர்விக்கலாம். பரிமாறும்போது மேல கொஞ்சம் துருவிய கேரட் தூவி கொடுக்கலாம். இந்த சூப் சுவையானது மட்டுமில்லாமல், இதில் உள்ள வைட்டமின்கள் மற்றும் ஆன்டிஆக்ஸிடன்ட்கள் நம் உடம்பிற்கு மிகவும் நல்லது.
#4
புளிப்பு இனிப்பு மாம்பழ குளிர் சூப்
புளிப்பு இனிப்பு மாம்பழ குளிர் சூப் செய்ய, பழுத்த மாம்பழம், கொஞ்சம் வெல்லம் (அல்லது சர்க்கரை), எலுமிச்சை சாறு, உப்பு ஆகியவற்றை சேர்த்து அரைத்துக் கொள்ள வேண்டும். இதையும் சில மணி நேரம் ஃப்ரிட்ஜில் வைத்து குளிர்ச்சியாக ஆக்க வேண்டும். பரிமாறும்போது மேலே கொஞ்சம் புதினா இலைகளை தூவி பரிமாறலாம். இந்த சூப் சுவையாக இருப்பதோடு, இதில் உள்ள வைட்டமின்கள் மற்றும் ஆன்டிஆக்ஸிடன்ட்கள் நம்முடைய உடம்பிற்கு மிகவும் நல்லது.
#5
பசலைக்கீரை மற்றும் புதினா குளிர் சூப்
பசலைக்கீரை மற்றும் புதினா குளிர் சூப் செய்ய, வேக வச்ச பசலைக்கீரை, துருவிய புதினா, தயிர், கருப்பு உப்பு, சீரகப் பொடி ஆகிய எல்லாவற்றையும் சேர்த்து அரைத்துக் கொள்ள வேண்டும். இதையும் சில மணி நேரம் ஃப்ரிட்ஜில் வைத்து குளிர்ச்சியாக ஆக்க வேண்டும். பரிமாறும்போது மேலே கொஞ்சம் வறுத்த வேர்க்கடலையை தூவி கொடுக்கலாம். இந்த சூப் உடம்புக்கு மிகவும் நல்லது. இதில் உள்ள இரும்புச்சத்து மற்றும் வைட்டமின்கள் நம்முடைய ஆரோக்கியத்திற்கு மிகவும் உதவும்.