பால் பொருட்கள் பற்றி நீங்கள் நம்பும் 5 தவறான தகவல்கள்! உண்மையும் அறிவியலும் இதோ
செய்தி முன்னோட்டம்
பால் பொருட்கள் பற்றி எப்போதும் நிறைய விவாதம் இருக்கும். அதன் சத்துக்கள், நல்லது/கெட்டது பற்றி பல தவறான கருத்துக்கள் பரவியுள்ளன. சிலர் பால் பொருட்கள் மிகவும் சத்தானவை என்பார்கள், சிலர் அதைச் சாப்பிடவே கூடாது என்பார்கள். இந்தக் கட்டுரையில், பால் பொருட்கள் பற்றிய இந்தத் தவறான கருத்துக்களைப் பற்றிப் பார்ப்போம். சீரான உணவில் பால் பொருட்களின் பங்கு என்ன என்பதை நீங்கள் தெளிவாகப் புரிந்துகொள்ள இது உதவும். இந்தத் தவறான தகவல்களை நீக்குவதன் மூலம், உங்கள் உணவுத் தேர்வுகளை சரியாகச் செய்ய உங்களுக்கு உதவுவோம் என்று நம்புகிறோம்.
#1
வதந்தி: பால் பொருட்கள் உடலில் வீக்கத்தை ஏற்படுத்தும்
பால் பொருட்கள் உடலில் வீக்கத்தை உருவாக்கும் என்பது ஒரு பொதுவான கருத்து. ஆனால், பால் பொருட்கள் எப்போதும் வீக்கத்தை ஏற்படுத்துவதில்லை என்று ஆய்வுகள் காட்டுகின்றன. உண்மையில், சில பால் பொருட்களுக்கு வீக்கத்தைக் குறைக்கும் தன்மை கூட இருக்கிறது என்று சில ஆராய்ச்சிகள் சொல்கின்றன. பால் பொருட்கள் வீக்கத்தை ஏற்படுத்துமா என்பது ஒவ்வொருவருக்கும் மாறுபடும். அது அவர்களின் உடல்நிலையைப் பொறுத்தது, அத்துடன் சாப்பிடும் விதத்தையும் பொறுத்தது.
#2
வதந்தி: பால் பொருட்கள் எலும்புகளுக்குக் கெடுதல்
பால் பொருட்கள் எலும்புகளைக் கெடுக்கும் அல்லது பலவீனமாக்கும் என்பது மற்றொரு தவறான கருத்து. ஆனால் அதற்கு மாறாக, பால் பொருட்களில் கால்சியம் மற்றும் வைட்டமின் டி சத்துக்கள் நிறைய இருக்கின்றன. இந்த இரண்டு சத்துக்களும் எலும்புகளின் ஆரோக்கியத்திற்கு மிகவும் முக்கியமானவை. பால் பொருட்களை தொடர்ந்து சாப்பிடுவது எலும்புகளை பலப்படுத்தும். ஆஸ்டியோபோரோசிஸ் (எலும்பு மெலிவு நோய்) வராமல் தடுக்கவும் உதவும் என்று பல ஆய்வுகள் சொல்கின்றன. பால் பொருட்கள் எலும்புகளுக்கு நல்லது என்றாலும், நமது ஒட்டுமொத்த வாழ்க்கை முறையும் முக்கியமான பங்கை வகிக்கிறது என்பதைப் புரிந்துகொள்ள வேண்டும்.
#3
வதந்தி: லாக்டோஸ் இல்லாத பொருட்களில் சத்து இருக்காது
லாக்டோஸ் இல்லாத பால் பொருட்களில், சாதாரண பால் பொருட்களில் உள்ள சத்துக்கள் இருக்காது என்று பலர் தவறாக நினைக்கிறார்கள். ஆனால், லாக்டோஸ் இல்லாத பால் மற்றும் தயிர் ஆகியவற்றில், சாதாரண பால் பொருட்களில் இருக்கும் அதே சத்துக்கள் அனைத்தும் அப்படியே இருக்கும். லாக்டோஸ் சர்க்கரை மட்டும் நீக்கப்பட்டு இருக்கும். இதனால், லாக்டோஸ் ஒவ்வாமை (லக்ரோஸ் சர்க்கரை ஒத்துக்கொள்ளாத நிலை) உள்ளவர்களுக்கு இது ஒரு நல்ல வழி. கால்சியம், புரதம் போன்ற முக்கியமான சத்துக்களையும் இதன் மூலம் பெற முடியும்.
#4
வதந்தி: பால் பொருட்களில் உள்ள எல்லா கொழுப்பும் கெடுதல்
பால் பொருட்களில் உள்ள எல்லா கொழுப்பும் கெட்டது என்ற கருத்து தவறானது. சில முழு கொழுப்புள்ள பால் பொருட்களில் நிறைவுற்ற கொழுப்புச் சத்துகள் அதிகமாக இருந்தாலும், அதை அளவாக சாப்பிட்டால், அது பெரும்பாலானவர்களுக்கு ஆரோக்கியமான உணவின் ஒரு பகுதியாக இருக்கும். சீரான உணவின் ஒரு பகுதியாக எடுத்துக்கொள்ளும்போது, முழு கொழுப்புள்ள பால் பொருட்கள் இதய ஆரோக்கியத்திற்கு கூட நன்மை தரும் என்று சில ஆய்வுகள் தெரிவிக்கின்றன.
#5
வதந்தி: தாவர அடிப்படையிலான பால், மாட்டுப் பாலை விடச் சிறந்தது
தாவர அடிப்படையிலான பால் வகைகள், மாட்டுப் பாலுக்கு ஒரு மாற்றாக பிரபலமாகிவிட்டாலும், அவை மாட்டுப் பாலை விட 'சிறந்தவை' என்று நிச்சயமாகச் சொல்ல முடியாது. இந்த வகையான பால் வகைகளுக்கும், சாதாரண மாட்டுப் பாலுக்கும் இடையே உள்ள சத்துக்களில் நிறைய வித்தியாசங்கள் உள்ளன. உதாரணமாக, பாதாம் பால் அல்லது சோயா பாலில் கலோரி குறைவாக இருக்கலாம். ஆனால், இந்த வகை பால்களில் புரதச்சத்தும் குறைவாகவே இருக்கும். சத்துக்கள் சேர்க்கப்பட்டிருந்தால் மட்டுமே, மாட்டுப் பாலில் உள்ள அளவுக்கு புரதச்சத்து கிடைக்கும்.