எழுத்தாளர் சாரு நிவேதிதாவிற்கு 2022ம் ஆண்டிற்கான விஷ்ணுபுரம் விருது
எழுத்தாளர் ஜெயமோகனின் வாசகர்கள் மற்றும் அவரது நண்பர்களால் உருவாக்கப்பட்டது விஷ்ணுபுரம் இலக்கிய வட்ட அமைப்பு ஆகும். இந்த அமைப்பானது வருடா வருடம் சிறந்த எழுத்தாளர்களை தேர்வு செய்து அவர்களுக்கான விருதினை வழங்குவது வழக்கம். அதன்படி இந்த வருடம் எழுத்தாளர் சாரு நிவேதிதாவிற்கு 2022ம் ஆண்டிற்கான விஷ்ணுபுரம் விருதினை வழங்கி, இந்த அமைப்பு அவரை பெருமைப்படுத்தியுள்ளது. 13 ஆண்டுகளாக தொடர்ந்து இந்த அமைப்பு விருது வழங்கி வரும் நிலையில், கடந்த ஞாயிற்றுக்கிழமை இந்த விருது வழங்கும் விழா மாபெரும் விழா கொண்டாடப்பட்டது.
கோயம்பத்தூரில் நடந்த விருது வழங்கும் விழா
கோயம்பத்தூரில் நடந்த இந்த மாபெரும் விழாவில் கடந்த சனி மற்றும் ஞாயிற்றுக்கிழமைகளில் வளர்ந்து வரும் மற்றும் அங்கீகாரம் பெற்ற எழுத்தாளர்களுடனும், கவிஞர்களுடனும் உரையாடலுக்கான அமர்வுகள் நடத்தப்பட்டது. அதனை தொடர்ந்து கவிஞர், எழுத்தாளர் மற்றும் பத்திரிக்கையாளருமான மாமாங் தாய், கவிஞர் போகன் ஷங்கர், எழுத்தாளர் ஆர்.காளிபிரசாத், எழுத்தாளர் ஜெயமோகன் ஆகியோர் இந்தாண்டிற்கான விருது பெற்றோரை பாராட்டி உரையாற்றினர். இந்த விருதில் 2 லட்சம் பணம், ஒரு வடிவமைக்கப்பட்ட விருது மற்றும் பாராட்டுப் பாத்திரம் முதலியவை பரிசாக கொடுக்கப்பட்டது என்பது குறிப்பிடத்தக்கது.
