இந்தியாவின் மிக மகிழ்ச்சியான மாநிலம் எது தெரியுமா: ஆய்வில் தகவல்
செய்தி முன்னோட்டம்
குருகிராமில் உள்ள மேனேஜ்மென்ட் டெவலப்மென்ட் இன்ஸ்டிடியூட்டின் பேராசிரியர் ராஜேஷ் கே பிலானியா நடத்திய ஆய்வின்படி, மிசோரம் நாட்டின் மகிழ்ச்சியான மாநிலமாக அறிவிக்கப்பட்டுள்ளது.
இந்தியாவில் 100 சதவீத கல்வியறிவு பெற்ற இரண்டாவது மாநிலம் மிசோரம் ஆகும். கடினமான நேரங்களில் கூட மாணவர்கள் வளர்வதற்கு தேவையான பல வாய்ப்புகளை இந்த மாநிலம் வழங்கியுள்ளது.
மிசோரத்தின் மகிழ்ச்சி விகிதத்தை மதிப்பிடுவதற்கு நடத்தப்பட்ட ஆய்வு, ஆறு அளவுருக்களை கணக்கில் எடுத்துக் கொண்டது.
குடும்பம் மற்றும் உறவுகள், வேலை தொடர்பான பிரச்சினைகள், சமூகப் பிரச்சினைகள், மதம், மகிழ்ச்சியின் மீதான COVID-19யின் தாக்கம், உடல் மற்றும் மன ஆரோக்கியம் ஆகியவை அந்த ஆறு அளவுருக்களாகும்.
மிசோரத்தின் சமூக அமைப்பு மாநிலத்தின் மகிழ்ச்சியில் மிக முக்கிய பங்கு வகிக்கிறது.
details
ஆண், பெண் என்ற பாகுபாடு அந்த மாநிலத்தில் இல்லை: ஆய்வு
ஒவ்வொரு குழந்தையும் வயது, பாலினம் மற்றும் மத நம்பிக்கைகளைப் பொருட்படுத்தாமல், பெரியவர்களாக மாறுவதற்கு முன்பே சம்பாதிக்கத் தொடங்குவது மிசோரத்தின் மகிழ்ச்சிக்கு மற்றொரு காரணமாகும்.
"எந்தப் பணியும் மிகச் சிறியதாகக் கருதப்படுவதில்லை. இளைஞர்கள் பொதுவாக 16 அல்லது 17 வயதிற்குள் வேலைவாய்ப்பைப் பெறுகிறார்கள். இது அங்கு ஊக்குவிக்கப்படுகிறது. மேலும், ஆண், பெண் என்ற பாகுபாடு அந்த மாநிலத்தில் இல்லை" என்று அந்த ஆய்வில் கூறப்பட்டுள்ளது.
"இளைஞர்கள் மகிழ்ச்சியாக இருந்தாலும் இல்லாவிட்டாலும் அதற்கு வளர்ப்புதான் காரணம். இது சாதியில்லாத ஒரு சமூகமாகும். மேலும், குழந்தைகளை படிக்க சொல்லி பெற்றோர் இங்கு அதிக அழுத்தம் கொடுப்பதில்லை." என்று மிசோரமில் உள்ள எபென்-ஏசர் போர்டிங் தனியார் பள்ளியின் ஆசிரியை சகோதரி லால்ரின்மாவி கியாங்டே கூறியுள்ளார்.