வெற்றி மகளிர் ஆடு வளர்ப்புத் திட்டம்: மகளிர் வாழ்வாதாரத்திற்கு ரூ.109.75 கோடி ஒதுக்கியது தமிழக அரசு
செய்தி முன்னோட்டம்
தமிழ்நாட்டில் கிராமப்புற பெண்களின் வாழ்வாதாரத்தையும் பொருளாதாரத்தையும் உயர்த்தும் நோக்கில் தொடங்கப்பட்ட வெற்றி மகளிர் ஆடு வளர்ப்புத் திட்டத்திற்கு ₹109.75 கோடி நிதி ஒதுக்கீடு செய்து தமிழக அரசு அரசாணை வெளியிட்டுள்ளது. ஏழை எளிய பெண்களுக்கு விலையில்லா ஆடுகள் வழங்கி அவர்களை சொந்தமாகத் தொழில் செய்ய ஊக்குவிப்பதே இத்திட்டத்தின் முக்கிய நோக்கமாகும். முதலமைச்சரின் வழிகாட்டுதலின்படி இந்த தொகை உடனடியாக விடுவிக்கப்பட்டு செயல்பாட்டுக்கு வந்துள்ளது.
பயனாளிகள் தேர்வு
பயனாளிகள் தேர்வு மற்றும் முன்னுரிமை விவரங்கள்
இந்த திட்டத்தின் கீழ் கிராமப்புறங்களில் வசிக்கும் வறுமைக் கோட்டிற்குப் கீழ் உள்ள பெண்கள், ஆதரவற்ற விதவைகள், கணவரால் கைவிடப்பட்ட பெண்கள் மற்றும் மகளிர் சுயஉதவிக் குழு உறுப்பினர்கள் பயனாளிகளாகத் தேர்வு செய்யப்படவுள்ளனர்.
தகுதியான பெண்களுக்கு தலா 4 வெள்ளாடுகள் அல்லது செம்மறியாடுகள் இலவசமாக வழங்கப்படும்.
உள்ளாட்சி அமைப்புகள் மற்றும் கால்நடை பராமரிப்புத் துறையின் ஒருங்கிணைப்புடன் பயனாளி தேர்வுகள் மிக பாரபட்சமின்றி நேர்மையாக நடைபெறும் எனத் தெரிவிக்கப்பட்டுள்ளது.
பராமரிப்பு உதவிகள்
கால்நடை பராமரிப்பு உதவிகள் மற்றும் பொருளாதார பயன்கள்
பயனாளிகளுக்கு ஆடுகள் வழங்கப்படுவதுடன் நிற்காமல், அவற்றுக்கான உரியத் தடுப்பூசிகள், மருத்துவ சிகிச்சைகள் மற்றும் பராமரிப்பு வழிகாட்டுதல்களையும் கால்நடை பராமரிப்புத் துறை இலவசமாக வழங்கும்.
ஆடு வளர்ப்பு மூலம் கிராமப்புற பெண்களுக்கு மாதம் தவறாமல் நிலையான வருமானம் கிடைக்க இந்த திட்டம் வழிவகுக்கும்.
மாநிலம் முழுவதும் உள்ள இலட்சக்கணக்கான ஏழைப் பெண்களின் வாழ்வாதாரத்தில் இத்திட்டம் மாபெரும் திருப்புமுனையாக அமையும் என எதிர்பார்க்கப்படுகிறது.