உச்சநீதிமன்ற நூலகத்தில் புதிய நீதி தேவதை சிலை திறப்பு: இதன் சிறப்பம்சங்கள் தெரியுமா?
செய்தி முன்னோட்டம்
"சட்டம் குருடு அல்ல" என்ற வாசகத்துடன், புதிய நீதிதேவதை சிலை உச்ச நீதிமன்ற நூலகத்தில் நேற்று திறந்து வைக்கப்பட்டது.
உச்ச நீதிமன்ற தலைமை நீதிபதி சந்திரசூட் நேற்று இதனை திறந்து வைத்தார்.
பொதுவாக காட்சிப்படுத்தப்பட்ட பாரம்பரிய நீதி தேவதை போல அல்லாமல், இந்த புதிய சிலையில் பல குறிப்பிடத்தக்க மாற்றங்கள் செய்யப்பட்டுள்ளன.
இத்தனை ஆண்டுகாலம் உருவாக்கப்படுத்தப்பட்ட நீதிதேவதையின் கண்கள் கறுப்பு துணியால் மூடியும், இடது கையில் தராசு மற்றும் வலது கையில் வாளும் இருக்கும்.
இது உயர்ந்தவன் மற்றும் தாழ்ந்தவன் என்ற பாகுபாட்டை மறுக்க, நீதி வழங்குவதற்கு சரியான அளவுகோல்களை பயன்படுத்த வேண்டும் என்பதையும் குறிக்கிறது.
அநீதியை எதிர்கொள்வதற்கான நீதிதேவதியின் அடையாளமாக இது பார்க்கப்பட்டது. புதிய சிலையில் உள்ள மாற்றங்கள் இதோ:
புதிய நீதி தேவதை
புதிய சிலையில் செய்யப்பட்டுள்ள மாற்றங்கள்
கறுப்பு துணி அகற்றம்: புதிய நீதிதேவதை சிலை, "சட்டம் குருடு அல்ல" என்ற கருத்தை வெளிப்படுத்துகிறது. இது சட்டத்தின் முன் சமத்துவத்தை வலியுறுத்துகிறது; எனவே, சட்டம் ஒருபோதும் குருடாகாது, அது அனைவரையும் சமமாகப் பார்க்கிறது என்பதைக் குறிக்கிறது.
அரசியல் சாசன புத்தகம்: இடது கையில் வாளுக்கு பதிலாக, அரசியல் சாசன புத்தகம் பிடித்துள்ளது நீதி தேவதை. இது நாட்டின் நீதிமன்றங்கள் அரசியலமைப்புச் சட்டங்களின்படி நீதி வழங்குகின்றன என்பதைக் குறிக்கிறது.
நியாய தராசு: சமநிலையை பிரதிநிதித்துவப்படுத்தும் கருத்தால், இரு தரப்பு உண்மைகள் மற்றும் வாதங்கள் முடிவுக்கு வருவதற்கு முன்பு நீதிமன்றங்கள் எடையிடும் என்பதை வலியுறுத்துகிறது; இதை பிரதிநிதித்துவபடுத்த வலது கையில் நீதியின் தராசு உள்ளது.
பொது சிவில் சட்டம்
பொது சிவில் சட்டத்தின் அடையாளம்
மத்திய அரசு மீண்டும் பிரதமர் மோடியின் தலைமையில் ஆட்சியில் வருமானால், அனைத்து பிரிவு மக்களுக்கும் ஏற்ற வகையில், நாடு தழுவிய பொது சிவில் சட்டம் அமல்படுத்தப்படும் என வாக்குறுதி அளிக்கப்பட்டுள்ளது.
இதன் முன்னோட்டமாக, பா.ஜ. கட்சியால் ஆளப்படும் உத்தரகண்ட் மாநிலத்தில், பொது சிவில் சட்டம் செயல்படுத்தப்பட்டுள்ளது. அதற்கான மாதிரி, "ஒற்றுமை மூலம் சமத்துவத்தை வளர்ப்போம்" என்ற வாசகத்துடன் உள்ள சிலை, தற்போது உச்ச நீதிமன்ற நூலகத்தில் புதிய நீதிதேவதை சிலை திறக்கப்பட்டுள்ளது.