இருவிரல் பரிசோதனை விவகாரம் - தமிழக டிஜிபிக்கு சென்னை உயர்நீதிமன்றம் உத்தரவு
செய்தி முன்னோட்டம்
கடலூர், சிதம்பரம் மாவட்டத்தில் குழந்தை திருமணம் செய்து வைத்ததாக புகார் ஒன்று எழுந்தது.
இச்சம்பவம் கடந்தாண்டு நடந்துள்ள நிலையில், அண்மையில் அது தொடர்பான புகைப்படங்கள் சில இணையத்தில் வெளியாகி வைரலானது.
இது பெரும் பரபரப்பினை ஏற்படுத்திய நிலையில், சிறுவர்-சிறுமியின் பெற்றோர்களை போலீசார் கைது செய்தனர் என்று கூறப்பட்டது.
இந்நிலையில் இது தொடர்பான வழக்கு இன்று(ஜூலை.,10) சென்னை உயர்நீதிமன்றத்தில் விசாரணைக்கு வந்தது.
அப்போது காவல்துறை சார்பில், சிதம்பரத்தில் சிறுமிக்கு தாலி கட்டிய விவகாரத்தில் இருவர் மீதுமே தவறில்லை என்று விளக்கம் அளிக்கப்பட்டது.
காவல்துறையின் இந்த விளக்கத்தினை ஏற்றுக்கொண்ட சென்னை உயர்நீதிமன்ற நீதிபதிகள் இந்த வழக்கினை முடித்து வைத்து உத்தரவிட்டனர்.
உத்தரவு
காவலர்களின் நடவடிக்கை குறித்து நீதிபதிகள் அதிருப்தி
இருப்பினும், இந்த பாலியல் வழக்கு தொடர்பாக இருவிரல் பரிசோதனை மேற்கொள்ளப்பட்டதாக குற்றச்சாட்டுகள் எழுந்தது.
தொடர்ந்து, தருமபுரி மாவட்டத்தில் நடந்த இளம் வயது திருமணம் குறித்த வழக்கில் 17 வயதுக்குட்பட்ட இரண்டு பேரையும் காவலர்கள் நடத்திய விதம் குறித்து நீதிபதிகள் கவனத்திற்கு கொண்டுவரப்பட்டது.
அதற்கு, நீதிபதிகள் அதிருப்தி தெரிவித்துள்ளனர்.
மேலும், இது போன்ற பாலியல் துன்புறுத்தல் மற்றும் வன்கொடுமை தொடர்பான வழக்குகளில் இருவிரல் பரிசோதனை ஏதும் மேற்கொள்ளப்படவில்லை என்பதை உறுதி செய்ய வேண்டும் என்று தமிழக டிஜிபி சங்கர் ஜிவால் அவர்களுக்கு நீதிபதிகள் உத்தரவிட்டுள்ளனர் என்பது குறிப்பிடத்தக்கது.