TNPSC குரூப் 4 தேர்வு முடிவுகள் வெளியானது: எங்கே பார்க்கலாம்
தமிழ்நாடு அரசின் பல்வேறு துறைகளில் காலியாக உள்ள 8,932 பணியிடங்களை நிரப்புவதற்கான குரூப் 4 தேர்வு முடிவுகள் https://tnpscresults.tn.gov.in மற்றும் tnpscexams.in ஆகிய இணையதளங்களில் மட்டுமே வெளியிடப்பட்டுள்ளது. இதனை https://www.tnpsc.gov.in என்ற இணையதளத்தில் வெளியிடமாட்டாது என தமிழ்நாடு அரசுப் பணியாளர் தேர்வாணையம் அறிவித்துள்ளது. குரூப்-4 பதவிகளில், கிராம நிர்வாக அலுவலர் (VAO), இளநிலை உதவியாளர், தட்டச்சர், சுருக்கெழுத்து தட்டச்சர், தனி உதவியாளர், கிளர்க் - 3, தனிச் செயலாளர், இளநிலை நிர்வாகி, பால் பதிவாளர், ஆய்வக உதவியாளர், பில் கலெக்டர், தொழிற்சாலை மூத்த உதவியாளர், வனப் பாதுகாவலர், இளநிலை ஆய்வாளர் ஆகிய பணியிடங்களை நிரப்புவதற்கான அறிவிப்பு 2023 ஜனவரி 30ஆம் தேதி வெளியிடப்பட்டது. பிப்ரவரி 28ஆம் தேதி வரை விண்ணப்பிக்க வாய்ப்பு வழங்கப்பட்டது.
தேர்வு மற்றும் முடிவு விவரங்கள்
இதற்கு பிறகு, ஜூன் 9ஆம் தேதி நடைபெற்ற எழுத்துத் தேர்வில் 20,36,774 பேர் விண்ணப்பித்த நிலையில், 15,91,659 பேர் தேர்வில் கலந்து கொண்டனர். இந்த நிலையில், தமிழ்நாடு அரசுப் பணியாளர் தேர்வாணையம் காலிப் பணியிடங்களின் எண்ணிக்கையை உயர்த்தியது. 6,244 பணியிடங்களுக்கு தேர்வு நடைபெற்ற நிலையில், செப்டம்பர் மாதத்தில் 480 பணியிடங்கள் சேர்க்கப்பட்டது. அக்டோபர் 9ஆம் தேதி கூடுதலாக 2,208 பணியிடங்கள் சேர்க்கப்பட்டன. இதனிடையே, குரூப் 4 பணியிடங்களுக்கான தேர்வு முடிவுகள் இணையதளங்களில் வெளியிடப்பட்டுள்ளது. மேலும், தேர்வு தொடர்பான மேலதிக தகவல்களுக்கு, சான்றிதழ் சரிபார்ப்பிற்கான தேர்வாளர்களின் பட்டியல் www.tnpsc.gov.in என்ற இணையதளத்தில் வெளியிடப்படும் எனவும் தேர்வர்கள் அறிவுறுத்தப்பட்டுள்ளனர்.
