முதலமைச்சர் ஸ்டாலின் இன்று மதுரை வருகை; போக்குவரத்து மாற்றம்
செய்தி முன்னோட்டம்
தமிழக முதல்வர் ஸ்டாலின் அரசுமுறை பயணமாக தென்மாவட்டங்களுக்கு இன்று பயணப்படுகிறார்.
ராமநாதபுரம் மாவட்டத்தில் நடைபெறவுள்ள பல்வேறு கட்சி சார்ந்த கூட்டங்களில் கலந்து கொள்கிறார்.
அதோடு, 18-ஆம் தேதி (வெள்ளிக்கிழமை) நடைபெறவுள்ள மீனவர்கள் மாநாட்டில் கலந்து கொண்டு பல்வேறு நலத்திட்ட உதவிகளை வழங்க உள்ளார்.
இதற்காக, இன்று சென்னையிலிருந்து புறப்படும் முதலமைச்சர், இன்று மாலை (ஆகஸ்ட் 16), மதுரை சென்றடைவார்.
அங்கே, முனிச்சாலை பகுதியில் உள்ள, மாநகராட்சிக்கு சொந்தமான கட்டிட வளாகத்தில் நிறுவப்பட்ட, பழம்பெரும் பாடகர், காலம் சென்ற திரு.TM சௌந்தர்ராஜனின் திருவுருவச்சிலையை திறந்து வைக்கிறார்.
card 2
போக்குவரத்து மாற்றம்
முதல்வர், மதுரைக்கு வருவதையொட்டி, அங்கே போக்குவரத்து மாற்றங்கள் செய்யப்பட்டுள்ளதாக தெரிவிக்கப்பட்டுள்ளது.
அனுப்பானடி ரோடு சந்திப்பிலிருந்து புதுராம்நாட் ரோடு மற்றும் சி.எம்.ஆர். ரோடு ஆகிய சாலைகள் வழியாக செல்லக்கூடிய வாகனங்கள் அனைத்தும், தெப்பக்குளம் 16-கால் மண்டபம் சென்று வலதுபுறம் திரும்பி காமராஜர் சாலை வழியாக செல்லலாம்.
செயின்ட் மேரீஸ் சந்திப்பு மற்றும் சிந்தாமணி ரோட்டிலிருந்து பழைய குயவர்பாளையம் வழியாக தெப்பக்குளம் நோக்கி வரும் அனைத்து வாகனங்களும் மஹால் ரோடு, கீழவாசல் சந்திப்பு சென்று காமராஜர் சாலை தெப்பக்குளம் நோக்கி செல்லலாம்.
நெல்பேட்டை மற்றும் ஓபுளா படித்துறையிலிருந்து தெப்பக்குளம் நோக்கி வரும் அனைத்து வாகனங்களும் அம்சவள்ளி சந்திப்பு, கீழவாசல் சந்திப்பு சென்று காமராஜர் சாலை வழியாக தெப்பக்குளம் செல்ல வேண்டும்.