சிங்கப்பூர் அமைச்சர்கள் மற்றும் தொழிலதிபர்களுடன் ஆலோசனை நடத்தினார் மு.க.ஸ்டாலின்
செய்தி முன்னோட்டம்
தமிழ்நாடு தொழில்துறைக்காக முதலீடுகளை ஈர்க்கவும், அடுத்தாண்டு சென்னையில் நடைபெறவுள்ள உலக முதலீட்டாளர்கள் மாநாடுக்கு தொழில் நிறுவனங்களின் அதிபர்களுக்கு அழைப்பு விடுக்கவும் தமிழக முதல்வர் மு.க.ஸ்டாலின் அவர்கள் சிங்கப்பூர், ஜப்பான் உள்ளிட்ட நாடுகளுக்கு சுற்றுப்பயணம் மேற்கொண்டுள்ளார்.
அதன்படி அவர் இன்று(மே.,24) மாலை சிங்கப்பூரில் நடக்கவிருக்கும் முதலீட்டாளர்கள் மாநாட்டில் பங்கேற்கவுள்ளார்.
இதற்காக அவர் நேற்று(மே.,23) சிங்கப்பூருக்கு சென்றடைந்தார்.
இதனையடுத்து மு.க.ஸ்டாலின் அவர்கள் இன்று காலை சிங்கப்பூர் அமைச்சர்கள், முன்னணி நிறுவனமாக விளங்கும் டெமாசெக் நிறுவனத்தின் முதன்மை செயல் அதிகாரி திலன் பிள்ளை சந்திரசேகராவுடனும், செம்கார்ப் நிறுவனத்தின் முதன்மை செயல் அதிகாரியான கிம்யின் ஒங்'வுடனும் ஆலோசனை நடத்தியதாக தகவல்கள் வெளிவந்துள்ளது.
ஆலோசனை
9 நாட்கள் வெளிநாடு சுற்றுப்பயணம்
இந்த ஆலோசனையின் போது, தமிழக தலைமை செயலர் இறையன்பு, தொழில்துறை அமைச்சர் டி.ஆர்.பி.ராஜா உள்ளிட்டோர் தமிழக முதல்வரோடு இருந்தனர் என்றும் கூறப்படுகிறது.
சிங்கப்பூரில் இன்று மாலை 4 மணியளவில் நடைபெறவுள்ள முதலீட்டாளர்கள் மாநாட்டில் 350 முன்னணி தொழில் நிறுவனங்களை சேர்ந்த முக்கிய அதிகாரிகள் கலந்துக்கொள்ளவுள்ளனர்.
மேலும், மு.க.ஸ்டாலின் கலந்துக்கொள்ளும் இந்த மாநாட்டின் மூலம் கிடைக்கவுள்ள முதலீடுகள் வரும் ஜனவரியில் தமிழகத்திற்கு வரும் என்னும் எதிர்பார்ப்பு தற்போது நிலவுகிறது.
மு.க.ஸ்டாலின் மொத்தமாக 9 நாட்கள் வெளிநாடு சுற்றுப்பயணம் மேற்கொண்டுள்ள நிலையில், சிங்கபூரினை தொடர்ந்து, ஜப்பான் நாட்டிற்கு செல்லவுள்ளார் என்றும் செய்திகள் தெரிவிக்கிறது.