சந்திரயான்-3 திட்டத்தில் பங்காற்றி, தற்போது பகுதி நேரமாக இட்லி விற்கும் ஊழியர், ஏன்?
செய்தி முன்னோட்டம்
சந்திரயான் 3 திட்டத்தின் உருவாக்கத்தில் சிறிய பங்காற்றிய, HEC நிறுவனத்தைச் சேர்ந்த தீபக் குமார் உப்ராறியா, ராஞ்சியில் வருமானத்திற்காக இட்லி விற்று வரும் சம்பவம் பரபரப்பை ஏற்படுத்தியிருக்கிறது.
கடந்த ஆகஸ்ட் 23ம் தேதி, நிலவின் தென்துருவப் பகுதியில் தரையிறங்கியதன் மூலம், இந்தியாவின் வரலாற்றுச் சாதனை மிக்க நிகழ்வைப் பதிவு செய்தது இஸ்ரோ.
இந்த சந்திரயான் 3-ல் பயன்படுத்தப்பட்ட, மடங்கும் மேடை மற்றும் சரியும் கதவுகளை உருவாக்கி, அதில் ஒரு சிறுபங்கு வகித்தது HEC நிறுவனம். HEC (Heavy Engineering Corporation Limited) என்பது இந்திய அரசின் கீழ் செயல்படும் நிறுவனங்களுள் ஒன்று என்பது குறிப்பிடத்தக்கது.
இந்நிறுவனம், தங்கள் ஊழியர்களுக்கு 18 மாதங்களாகச் சம்பளத்தை அளிக்காமல் நிலுவையில் வைத்திருக்கும் தகவல் அதிர்ச்சியை ஏற்படுத்தியிருக்கிறது.
சந்திரயான் 3
சம்பள பாக்கி வைத்திருக்கும் HEC:
எனவே தான், தன்னுடைய தினசரி பணத்தேவைக்காக, HEC நிறுவனத்தில் பணியாற்றிக் கொண்டே, காலை மற்றும் மாலை வேளைகளில் இட்லி விற்று வருவதாகத் தெரிவித்திருக்கிறார் தீபக் குமார் உப்ராறியா.
இவருடன் சேர்த்து, 2,800 ஊழியர்களுக்கு கடந்த 18 மாதங்களாக அந்நிறுவனம் சம்பளத்தைக் கொடுக்காமல் நிலுவையில் வைத்திருப்பது தெரிய வந்திருக்கிறது.
2012ம் ஆண்டு ரூ.8,000 சம்பளத்திற்காக தனியார் வேலையை உதறிவிட்டு HEC-யில் பணியில் இணைந்திருக்கிறார் உப்ராறியா.
முதலில் கடன் வாங்கி வீட்டுச் தேவைகளைக் கவனித்து வந்திருக்கிறார். தற்போது யாரும் கடன் கொடுக்க முன்வராமல் இருக்கவே, பகுதி நேரமாக இட்லி விற்கத் தொடங்கியதாகத் தெரிவித்திருக்கிறார் உப்ராறியா.
அந்நிறுவனத்தில் பணியாற்றி வரும் பிற ஊழியர்களும் தங்களுடைய தினசரி தேவைகளைப் பூர்த்தி, இது போன்ற சிறிய வேலைகளில் ஈடுபட்டு வருகின்றனராம்.
embed
பகுதி நேரமாக இட்லி விற்று வரும் உப்ராறியா:
Meet Deepak Kumar Uprariya who sells Tea & Idli in Ranchi. He is a Technician, who worked for building ISRO's Chandrayaan-3 launchpad. For the last 18 months, he has not received any salary. "When I thought I would die of hunger, I opened an Idli shop" (BBC Reports) pic.twitter.com/cHqytJvtfj— Cow Momma (@Cow__Momma) September 17, 2023