சுதந்திர தினத்தை முன்னிட்டு சென்னை செயின்ட் ஜார்ஜ் கோட்டையில் கொடியேற்றினார் முதல்வர் ஸ்டாலின்
செய்தி முன்னோட்டம்
தமிழக முதல்வர் மு.க.ஸ்டாலின் 78வது சுதந்திர தினத்தை முன்னிட்டு சென்னை செயின்ட் ஜார்ஜ் கோட்டை கொத்தளத்தில் கொடியேற்றினார்.
பிரதமர் மோடி டெல்லி செங்கோட்டையில் கொடியேற்றி நாட்டு மக்களுக்கு உரையாற்றிய நிலையில், தமிழ்நாடு அரசு சார்பில் சென்னை செயின்ட் ஜார்ஜ் கோட்டையில் சுதந்திர தின விழா நடைபெற்று வருகிறது.
இதற்காக, கோட்டை கொத்தளத்திற்கு வந்த முதலமைச்சர் மு.க.ஸ்டாலின் முதலில் காவல்துறையின் அணிவகுப்பை ஏற்றார்.
அதன் பின்னர் தேசிய கொடியை ஏற்றி, தமிழக மக்களுக்கு உரையாற்றி வருகிறார். மக்களுக்கு உரைநிகழ்த்திய பிறகு, தகைசால் தமிழர் விருது, டாக்டர் ஏ.பி.ஜே.அப்துல் கலாம் பெயரிலான விருது, துணிவு மற்றும் சாகசச் செயலுக்கான கல்பனா சாவ்லா விருது, முதலமைச்சரின் நல் ஆளுமை விருது போன்ற பல விருதுகளை வழங்க உள்ளார்.
ட்விட்டர் அஞ்சல்
தேசிய கொடியை ஏற்றினார் முதல்வர்
#Breaking | 78வது சுதந்திர தின விழா - சென்னை கோட்டை கொத்தளத்தில் தேசியக் கொடியை ஏற்றினார் முதலமைச்சர் மு.க.ஸ்டாலின்!#SunNews | #CMStalin | #78thIndependenceDay pic.twitter.com/WtuuRaeMuz
— Sun News (@sunnewstamil) August 15, 2024