சென்னையில் திடீர் கோடை மழை - மக்கள் மகிழ்ச்சி
செய்தி முன்னோட்டம்
தமிழகத்தில் மேலடுக்கு சுழற்சி காரணமாக பல்வேறு மாவட்டங்களில் பரவலாக மழை பெய்து வருகிறது.
அதன்படி சென்னையில் எழும்பூர், வடபழனி, சாலிகிராமம், கோடம்பாக்கம், கொளத்தூர் போன்ற பகுதிகளில் இன்று(மார்ச்.,17) அதிகாலையே மழை பெய்துள்ளது.
அதே போல் வண்ணாரப்பேட்டை, அண்ணாசாலை, தேனாம்பேட்டை, வள்ளுவர் கோட்டம், நுங்கம்பாக்கம், வடபழனி, உள்ளிட்ட பகுதிகளிலும் மழை பெய்துள்ளது.
இதனால் தாழ்வான பகுதிகளில் தண்ணீர் தேங்கியுள்ளது. திடீரென கொட்டி தீர்க்கும் மழையால் சாலைகளில் தண்ணீர் பெருக்கெடுத்து ஓடிய நிலையில் வாகன ஓட்டிகள் சிரமத்திற்கு உள்ளானார்கள்.
மேலும் சென்னை வேளச்சேரியில் காற்றுடன் கூடிய ஆலங்கட்டி மழை பெய்தது. இந்த மழையால் தற்போது மக்கள் மிகுந்த மகிழ்ச்சியில் உள்ளார்கள் என்பது குறிப்பிடத்தக்கது.
ட்விட்டர் அஞ்சல்
சென்னையில் திடீர் கோடை மழை - மக்கள் மகிழ்ச்சி
#BREAKING | சென்னை வேளச்சேரியில் காற்றுடன் கூடிய ஆலங்கட்டி மழை#ChennaiRains | #Hail | #Velachery pic.twitter.com/K11F7iuxiJ
— PuthiyathalaimuraiTV (@PTTVOnlineNews) March 17, 2023