தமிழக சட்டப்பேரவையில் கேள்வியெழுப்பிய செல்லூர் ராஜா
செய்தி முன்னோட்டம்
தமிழ்நாடு சட்டப்பேரவையில் பட்ஜெட் கூட்டத்தொடர் தற்போது நடைபெற்று வருகிறது.
அதன்படி இன்று(மார்ச்.,31) உயர்கல்வித்துறை மற்றும் பள்ளி கல்வித்துறை தொடர்பான மானியக் கோரிக்கைகள் மீது விவாதம் நடந்தது.
முன்னதாக கேள்வி நேரத்தில் முன்னாள் அமைச்சர் செல்லூர் ராஜா கேள்வி எழுப்பினார்.
அப்போது அவர் பேசுகையில், மதுரையில் எந்த தொழிலும் இல்லை. இந்த நிலையில் மெட்ரோ ரயில் வந்து என்ன பயன்? எல்லோரும் பாராட்டும் வகையில் தொழில்துறை அமைச்சர் ஒரு தொழிலை கொண்டுவர வேண்டும்.
மதுரை மக்கள் அவரை ஆஹா ஓஹோ என்று பாராட்ட வேண்டும் என்று அவர் தெரிவித்தார்.
அமைச்சர் தங்கம் தென்னரசு
மதுரையில் ரூ.600கோடியில் டைடல்பார்க் விரைவில் அமைக்கப்படும்
செல்லூர் ராஜா எழுப்பிய கேள்விக்கு பதிலளித்த அமைச்சர் தங்கம் தென்னரசு, தமிழக மக்கள் அனைவரும் அண்ணன் செல்லூர் ராஜூவை ஆஹாஓஹோ என்று கூறுகிறார்கள்.
நானே அசந்து போய்விட்டேன். சில நாட்களுக்கு முன்னர் ஒரு புகைப்படம் வந்தது.
நாம் எல்லாம் புலியை பார்த்தால் ஓடிவிடுவோம். மதுரை மக்கள் மாட்டைத்தான் பிடிப்பார்கள்.
ஆனால் செல்லூர் ராஜு புலியின் வாலை பிடித்து வந்துள்ளார். மதுரைக்காரர்கள் விவரமானவர்கள்.
அண்ணன் செல்லூர் ராஜு புலியின் வாய் இருக்கிற பக்கம் பிடிக்காமல், வால் இருக்கிற பக்கம் பிடித்துள்ளார் என்று பேசினார்.
மேலும் மதுரையில் ரூ.600கோடியில் டைடல்பார்க் விரைவில் அமைக்கப்படும் என்று தெரிவித்துள்ளார்.
தொடர்ந்து பேசியஅவர், தொழில் முதலீடுகள் தென்மாவட்டங்களில் சமமாக, சீரான முறையில் கொண்டு வரப்படும் என்றும் தெரிவித்துள்ளார் என்பது குறிப்பிடத்தக்கது.