சட்டம் பேசுவோம்: ஆண்களுக்கு எதிரான பாலியல் குற்றங்களுக்கு இந்தியாவில் தண்டனை இல்லையா?
செய்தி முன்னோட்டம்
ஒவ்வொரு ஞாயிற்றுகிழமையும் நமது NewsBytesயில் வெளியாகும் சட்டம் பேசுவோம் கட்டுரையை படித்து, இந்திய சட்டங்கள் குறித்து விரிவாக தெரிந்துகொள்ளுங்கள்.
ஆண்களுக்கு எதிரான பாலியல் வன்முறைகள் குறித்து இந்திய சட்டங்கள் என்ன கூறுகின்றன என்பதை இப்போது பார்க்கலாம்.
அதற்கு முதலில் IPCயின் சட்டப்பிரிவு 377ஐ பற்றி நாம் தெரிந்துகொள்ள வேண்டும்.
1860ஆம் ஆண்டில் இயற்றப்பட்ட இந்திய தண்டனைச் சட்டம்(IPC) மிக முக்கிய குற்றவியல் சட்டமாகும்.
IPCயின் சட்டப்பிரிவு 377, இயற்கைக்கு மாறான உடலுறவு குறித்து பேசுகிறது.
CKN
சட்டப்பிரிவு 377 என்ன கூறுகிறது?
"எந்த ஒரு ஆண், பெண் அல்லது மிருகத்துடன் இயற்கையின் ஒழுங்குக்கு எதிராக உடலுறவு கொள்பவருக்கு ஆயுள் தண்டனை/ பத்தாண்டுகள் வரை நீட்டிக்கக்கூடிய சிறைத்தண்டனை விதிக்கப்படும்." என்று சட்டப்பிரிவு 377 கூறுகிறது.
"இயற்கையின் ஒழுங்குக்கு எதிராக" என்று இந்த சட்டப்பிரிவில் குறிப்பிடப்பட்டிருப்பது பல ஆண்டுகளாக பால்புதுமையினர் சமூகத்திற்கு(LGBTQ+) எதிராக பயன்படுத்தப்பட்டு வந்தது.
எனவே, 2018ஆம் ஆண்டு, பாலியல் சிறுபான்மையினருக்கு சாதகமாக தீர்ப்பு வழங்கிய உச்ச நீதிமன்றம், சட்டப்பிரிவு 377ஐ ரத்து செய்தது.
அப்போதைய இந்தியத் தலைமை நீதிபதி தீபக் மிஸ்ரா தலைமையிலான உச்ச நீதிமன்றம், வயது வந்த இருவர்(பாலின பேதம் கிடையாது) "சம்மதத்துடன்" உடலுறவு கொள்வது குற்றமற்றது என்று தீர்ப்பு வழங்கியது.
ந்கயூபிஜின்
சட்டப்பிரிவு 377 மொத்தமாக ரத்து செய்யப்படவில்லை
எனினும், விலங்குகள் மற்றும் குழந்தைகளுடன் இயற்கைக்கு மாறான உடலுறவு கொள்வது தொடர்பான சட்டப்பிரிவு 377யின் அம்சங்கள் IPCயில் இருந்து நீக்கப்படாது என்றும் நீதிபதிகள் கூறினர்.
ஆகவே, 2018ஆம் ஆண்டு வழங்கப்பட்ட தீர்ப்புக்கு பிறகும் சட்டப்பிரிவு 377யின் சில அம்சங்கள் பயன்பாட்டில் தான் இருந்தது.
அதன்படி, "ஒப்புதல் இல்லாமல்" ஒரு ஆண் அல்லது பெண்ணுடன் யார் உடலுறவு வைத்துக்கொண்டாலும் அது தவறு தான். தற்போதுள்ள சட்டத்தின்படி அதற்கு கண்டிப்பாக தண்டனை வழங்கப்படும்.
டிவ்ஜன்
நாடாளுமமன்றத்தில் அறிமுகப்படுத்தப்பட்ட 3 புதிய குற்றவியல் மசோதாக்கள்
ஆனால், சம்பீத்தில் இந்தியாவில் புதிய குற்றவியல் சட்டங்களை இயற்றுவதற்காக மக்களவையில் 3 மசோதாக்களை மத்திய அரசு தாக்கல் செய்தது.
1860ஆம் ஆண்டின் இந்திய தண்டனைச் சட்டத்திற்கு(IPC) மாற்றாக பாரதிய நியாய சன்ஹிதா(BNS) என்ற சட்டத்தை இயற்ற ஒரு மசோதா தாக்கல் செய்யப்பட்டது.
இது இந்திய அரசு எடுத்திருக்கும் மிக பெரும் முடிவாகும்.
ஆனால், பிரச்சனை என்னவென்றால் இந்த புதிய மசோதாவில் சட்டப்பிரிவு 377 மொத்தமாக நீக்கப்பட்டுள்ளது.
கிழ்மவெண்ட்ஜ்
ஒரு ஆணுக்கு எதிரான பாலியல் குற்றங்களுக்கு எந்த தண்டனையும் இல்லை
பாலியல் குற்றங்களுக்கு எதிரான சட்டங்கள் குற்றிப்பிடப்பட்டிருக்கும் BNS 2023 மசோதாவின் 5வது அத்தியாயத்தின் படி, "பெண்கள் மற்றும் குழந்தைகளுக்கு எதிரான குற்றங்கள்" என்று மட்டுமே வரையறுக்கப்பட்டுள்ளது.
பாலியல் குற்றங்களுக்கு எதிரான சட்டங்களில் "ஆண்" என்ற வார்த்தை எங்குமே குறிப்பிடப்படவில்லை. "பெண்கள்" மற்றும் "குழந்தைகள்" என்று மட்டுமே குறிப்பிடப்பட்டுள்ளது.
ஒரு ஆணுக்கு எதிரான பாலியல் குற்றங்களுக்கு எந்த தண்டனையையும் முன்மொழியப்படவில்லை என்கின்றனர் நிபுணர்கள்.
அதனால், இந்த புதிய மசோதா பாலியல் ரீதியாக பாதிக்கப்பட்ட/பாதிக்கப்படும் ஆண்களுக்கு அநீதி இழைக்கக்கூடும் என்றும் விவாதங்கள் நடத்தப்பட்டு வருகின்றன.