உங்கள் ஏரியாவில் நாளை (ஆகஸ்ட் 30) மின்தடை இருக்கிறதா என தெரிந்துகொள்ளுங்கள்
மின் பராமரிப்பு பணிகள் காரணமாக வெள்ளிக்கிழமை(ஆகஸ்ட் 30) அன்று சென்னையின் சில பகுதிகளில் மின்தடை செய்யப்படுவதாக தமிழ்நாடு மின்சார வாரியம் அறிவித்துள்ளது. அதன்படி, நாளை மின்தடை ஏற்படும் பகுதிகளைச் சேர்ந்த மக்கள் தக்க முன்னேற்பாடுகளை செய்துகொள்ளும்படி அறிவுறுத்தப்பட்டு உள்ளனர். மின்தடை செய்யப்படும் பகுதிகளின் விரிவான பட்டியல் பின்வருமாறு:- வடசென்னை துரைநல்லூர் 110 கிலோவாட் துணை மின்நிலையத்திற்கு உட்பட்ட துரைநல்லூர் 110 கிலோவாட் ஃபீடரின் கீழ் உள்ள பின்வரும் பகுதிகளில் நாளை காலை 9 மணி முதல் மாலை 4 மணி வரை மின்தடை செய்யப்பட உள்ளது. வட சென்னை : துரைநல்லூர், ஆரணி, கவர்ப்பேட்டை, சோம்பட்டு, ரால்லபாடி, சின்னம்பேடு.
கட்டண மோசடி குறித்து மின்சார வாரியம் எச்சரிக்கை
தமிழகத்தில் கடந்த ஜூலை மாதம் மின்கட்டணம் உயர்த்தப்பட்ட நிலையில், அதை வைத்து புதிய மோசடி கும்பல் ஒன்று கிளம்பியுள்ளதாக மின்சார வாரியம் பயனர்களுக்கு எச்சரிக்கை விடுத்துள்ளது. இதுதொடர்பாக மோசடி கும்பல் அனுப்பும் மின்னஞ்சலில், கடந்த முறை எடுக்கப்பட்ட மின்கட்டணம் திருத்தப்பட்டுள்ளதால், கூடுதல் தொகையை செலுத்துமாறு கூறி, அதற்கு ஒரு இணைய இணைப்பையும் அனுப்பி வருகின்றனர். அதை நம்பி யாரும் இணைப்பை கிளிக் செய்ய வேண்டாம் என்றும், குறிப்பாக வாடகைக்கு குடியிருப்பவர்களுக்கு இதுபோன்ற தகவல் அனுப்படாது என்பதால் உடனடியாக சைபர் கிரைமில் புகாரளிக்குமாறு அறிவுறுத்தியுள்ளது. அதேநேரம், மின்கட்டணம் குறித்த தகவல்களை மின்சார வாரியத்தின் அதிகாரப்பூர்வ வலைதளத்தில் பார்த்துக் கொள்ளுமாறு கூறியுள்ளது.
