இப்போது, பாஸ்போர்ட் விண்ணப்பத்தில் உங்கள் வாழ்க்கை துணை பெயர் சேர்ப்பது/ நீக்குவது எளிதாகிறது
செய்தி முன்னோட்டம்
பாஸ்போர்ட் விண்ணப்பத்தில் வாழ்க்கைத் துணைவரின் பெயரைச் சேர்க்க அல்லது நீக்க விரும்பும் விண்ணப்பதாரர்கள், இனிமேல் திருமணச் சான்றிதழ் சமர்ப்பிக்க தேவையில்லை.
அதற்கு பதிலாக 'Annexure J' எனப்படும் பிரமாணப் பத்திரம் போதுமானது என வெளியுறவு அமைச்சகம் தெரிவித்துள்ளது.
இது தொடர்பாக பாஸ்போர்ட் அலுவலகம் வெளியிட்ட செய்திக்குறிப்பில் கூறியிருப்பதாவது: "வேலை, கல்வி, சுற்றுலா உள்ளிட்ட நோக்கங்களுக்காக ஆண்டுதோறும் பல லட்சம் மக்கள் பாஸ்போர்ட் மூலம் வெளிநாடு செல்கின்றனர். கடந்த சில மாதங்களில் பாஸ்போர்ட் விதிமுறைகளில் பல மாற்றங்களை மத்திய அரசு கொண்டு வந்தது. அதன் தொடர்ச்சியாக, தற்போதைய மாற்றத்தின் மூலம், விண்ணப்ப செயல்முறை மேலும் எளிமையாக்கப்பட்டுள்ளது".
இந்த புதிய நடைமுறையால், தேவையற்ற ஆவணங்கள் மற்றும் தாமதங்கள் குறைக்கப்படும் என அதிகாரிகள் தெரிவித்துள்ளனர்.
ட்விட்டர் அஞ்சல்
Twitter Post
பாஸ்போர்ட்டில் துணையின் பெயர் சேர்க்க... #Passport | #Aadhaar | pic.twitter.com/rL3NCiXUui
— Tamil The Hindu (@TamilTheHindu) June 3, 2025
விவரங்கள்
பிராமண பாத்திரம் மூலம் நடைமுறை எளிதாக்கப்பட்டுள்ளது
'Annexure J' என்பது, விண்ணப்பதாரர் தனது திருமண நிலையை அதிகாரபூர்வமாக தெரிவித்து, வாழ்க்கைத் துணைவரின் பெயரை பாஸ்போர்ட்டில் சேர்க்கவும் அல்லது நீக்கவும் அனுமதிக்கும் சட்டபூர்வமான பிரமாணப் பத்திரமாகும்.
அதில், இரு தரப்பினரும் கையொப்பமிட்டு, சுய சான்றளிக்கப்பட்ட புகைப்படத்தை இணைக்க வேண்டும்.
இருவரின் முழு பெயர், முகவரி, பிறந்த தேதி, திருமண நிலை, ஆதார் எண், வாக்காளர் எண், பாஸ்போர்ட் எண் உள்ளிட்டவற்றை இணைத்து விண்ணப்பிக்க வேண்டும்.
மறுமணத்திற்கு பிறகு, புதிய துணைவரின் பெயரை சேர்க்க, விவாகரத்து ஆணை, மறுமண சான்றிதழ், முன்னாள் துணைவரின் இறப்பு அல்லது மறுமண சான்றிதழ், புதுப்பிக்கப்பட்ட அடையாள ஆவணங்கள் உள்ளிட்ட விபரங்களை குறிப்பிட வேண்டும்.
மேலும் விபரங்களை, 'https://www.passportindia.gov.in/psp' என்ற இணையதளத்தில் காணலாம்.