நிபா தொற்று: உயிரிழந்த சிறுவன் 6 மாவட்டங்களைச் சேர்ந்த நபர்களுடன் நெருக்கமான தொடர்பில் இருந்ததாக தகவல்
செய்தி முன்னோட்டம்
நிபா தொற்றால் உயிரிழந்த சிறுவன் 6 மாவட்டங்களைச் சேர்ந்த நபர்களுடன் நெருக்கமான தொடர்பில் இருந்ததால், நிபா வைரஸ் பாதிப்பை கட்டுப்படுத்த கேரள சுகாதார அதிகாரிகள் போராடி வருகின்றனர்.
கேரளாவில் 14 வயது சிறுவன் நிபா வைரஸால் பாதிக்கப்பட்டு நேற்று உயிரிழந்ததாக அம்மாநில சுகாதாரத்துறை தெரிவித்துள்ளது.
மலப்புரம் மாவட்டத்தைச் சேர்ந்த அந்த சிறுவனுக்கு நிபா வைரஸ் தொற்று இருப்பது உறுதிசெய்யப்பட்ட அடுத்த நாளே அவன் உயிரிழந்தான்.
இந்நிலையில், அந்த சிறுவன் மலபுரத்தை தவிர வேறு 6 மாவட்டங்களை சேர்ந்த நபர்களுடன் நெருங்கிய தொடர்பில் இருந்தது கண்டுபிடிக்கப்பட்டுள்ளது.
கேரளா
6 பேருக்கு நிபா வைரஸ் இருப்பதற்கான அறிகுறிகள் உள்ளன
அந்த சிறுவனுடன் நெருங்கிய தொடர்பில் இருந்த 13 பேருக்கு நிபா தொற்று பரிசோதனை செய்யப்பட்டுள்ளது என்றும், ஆனால் அதற்கான முடிவுகள் இன்னும் வெளியாகவில்லை என்றும் மாநில சுகாதாரத்துறை கூறியுள்ளது.
கேரளாவில் 2023 க்குப் பிறகு பதிவாகும் முதல் நிபா மரணம் இதுவாகும்.
கோழிக்கோடு மருத்துவக் கல்லூரி வைராலஜி ஆய்வகத்திற்கு அனுப்பப்பட்ட ஒன்பது தொற்று மாதிரிகள் மற்றும் திருவனந்தபுரம் மேம்பட்ட வைராலஜி நிறுவனத்திற்கு அனுப்பப்பட்ட நான்கு தொற்று மாதிரிகள் ஆகியவற்றின் முடிவுகள் இன்று வெளியாகும் எதிர்பார்க்கப்படுகிறது.
பரிசோதிக்கப்பட்டவர்களில் 6 பேருக்கு நிபா வைரஸ் இருப்பதற்கான அறிகுறிகள் உள்ளன.