நாகர்ஜுன சாகர் அணை திறப்பு விவகாரம் : ஆந்திரா-தெலுங்கானா இடையே கடும் மோதல்
செய்தி முன்னோட்டம்
தெலுங்கானா மாநிலத்தின் கிருஷ்ணா நதியின் இடையே கட்டப்பட்டுள்ளது நாகார்ஜுன சாகர் அணை.
இது ஆந்திரா மற்றும் தெலுங்கானா உள்ளிட்ட 2 மாநிலங்களுக்கும் பொதுவானது என்னும் பட்சத்தில் இதுகுறித்த பிரச்சனைகளுக்கான தீர்விற்கு கோதாவரி நதிநீர் தீர்ப்பாயம் உள்ளது.
நாகார்ஜுன அணையில் மொத்தம் 29 மதகுகள் அமைந்துள்ள நிலையில் அதில் 1 முதல் 13 மதகுகள் தெலுங்கானாவிற்கும்,
14 முதல் 29 மதகுகள் ஆந்திராவிற்கும் உரியதாகும்.
இந்த அணையின் நீர்திறப்பு கோதாவரி நதிநீர் தீர்ப்பாயம் மூலமே செயல்பட்டு வருகிறது.
இந்நிலையில் குடிநீர் தேவைக்காக 2000 கனஅடி நீர் திறக்க ஆந்திரா அரசு முடிவு செய்து, அணையை திறந்துவிட ஆந்திரா அதிகாரிகள் அங்கு சென்றுள்ளனர்.
ஆனால் தெலுங்கானா அதிகாரிகள் அவர்களை அணைக்குள் செல்ல அனுமதிக்காமல் தடுத்து நிறுத்தியுள்ளனர்.
அணை
சுமார் 2 மணிநேரம் அப்பகுதியில் பெரும் பதற்றம்
மேலும், ஆந்திர அதிகாரிகள் உள்ளே செல்லாதவாறு தடுப்புகளை போட்டு வைத்த தெலுங்கானா அதிகாரிகள் அணையின் கட்டுப்பாட்டு அறையையும் பூட்டியுள்ளனர்.
இதனால் ஆத்திரமடைந்த ஆந்திரா அதிகாரிகள் 100க்கும் மேற்பட்ட காவல்துறையினரை அங்கு குவித்தனர்.
மேலும், தெலுங்கானா அதிகாரிகளின் தடைகளை தகர்த்து, பூட்டுகளை உடைத்து அணையில் நீரினை திறந்துவிட்டுள்ளனர்.
உடனே தெலுங்கானா அதிகாரிகள் மின்சாரத்தினை துண்டித்துள்ளனர். ஆந்திரா அதிகாரிகள் அதற்கு பதிலடி கொடுக்கும் விதமாக புதிய மோட்டார்களை கொண்டு வந்து தங்கள் எல்லைப்பகுதி மின்சாரத்தினை பயன்படுத்தி இயக்கியதாக கூறப்படுகிறது.
இந்த மோதல் காரணமாக சுமார் 2 மணிநேரம் அப்பகுதியில் பெரும் பதற்றம் நிலவியது.