உசிலம்பட்டியில் 50க்கும் மேற்பட்ட நாய்களுக்கு விஷம் வைத்து கொலை
மதுரை மாவட்டம் உசிலம்பட்டியில் உள்ள சுற்றுவட்டார கிராமங்கள் மலையடிவாரத்தில் அமைந்துள்ளதால் அவ்வப்போது வனவிலங்குகள் கிராமத்திற்குள் வந்து விடும் என்று கூறப்படுகிறது. இதனால் பாதுகாப்பிற்காக அப்பகுதி மக்கள் பெரும்பாலும் தங்கள் வீடுகளில் நாய்களை வளர்ப்பதினை வழக்கமாக வைத்து வருகின்றனர். இந்நிலையில், உசிலம்பட்டி அருகேயுள்ள கோவில்பட்டி, வையத்தான், நரியம்பாடி உள்ளிட்ட கிராமங்களில் 50க்கும் மேற்பட்ட நாய்கள் மர்மமான முறையில் விஷம் வைத்து மர்ம நபர்களால் கொல்லப்பட்டுள்ளது. இது குறித்து காவல் துறைக்கு தகவல் அளிக்கப்பட்டுள்ளது. அளிக்கப்பட்ட புகார்களின் அடிப்படையில் வழக்கு பதிவு செய்துள்ள போலீசார், கொள்ளை கும்பல் கொள்ளையடிக்க திட்டமிட்டு இவ்வாறு நாய்களை கொன்றுள்ளனரா? என்னும் கோணத்தில் விசாரணை நடத்தி வருகிறார்கள் என்பது குறிப்பிடத்தக்கது.
