மேகாலயா ஹனிமூன் கொலை: உண்மையாக திட்டம் தீட்டியது இவர்தான், சோனம் இல்லை! புதிய விவரங்கள்
செய்தி முன்னோட்டம்
மேகாலயாவில் ஹனிமூன் சென்ற போது கொலை செய்யப்பட்ட இந்தூர் மணமகன் ராஜா ரகுவன்ஷியின் கொலை வழக்கில் பல புதிய விவரங்கள் வெளியாகியுள்ளது.
ராஜா ரகுவன்ஷியின் அவரது மனைவி சோனம் ரகுவன்ஷி மற்றும் அவரது காதலர் ராஜ் குஷ்வாஹா ஆகியோரால் திட்டமிடப்பட்டதாகக் கூறப்படும் ஒரு கொடூரமான, கவனமாக திட்டமிடப்பட்ட கொலையை மேகாலயா காவல்துறை விசாரித்து வருகிறது.
ஷில்லாங் போலீஸ் SP கூற்றுப்படி, கொலைத்திட்டம், சோனமின் திருமணத்திற்கு 11 நாட்களுக்கு முன்பே திட்டமிடப்பட்டது என தெரிவித்துள்ளார்.
மேலும் இந்த கொலைக்கான மூளை காதலன் ராஜ் குஷ்வாஹா தான் எனவும். சோனம் அவர் கூறியதை செய்த கருவி மட்டுமே எனவும் கூறினார்.
கூட்டாளிகள்
கொலையில் சம்மந்தப்பட்ட 3 கூட்டாளிகள்
முதல் நாள் போலீஸ் காவலில் நடத்தப்பட்ட விசாரணைக்குப் பிறகு, சோனம் மற்றும் ராஜ் உட்பட ஐந்து குற்றவாளிகளும் தங்கள் தொடர்பை ஒப்புக்கொண்டனர்.
அதோடு, கொலையை செய்தவர்கள் கூலிப்படையினர் அல்ல எனவும், அவர்கள் ராஜின் உறவினர் மற்றும் நண்பர்கள் எனவும் கூறினர்.
மூன்று கூட்டாளிகளும் பணத்திற்காக பணியமர்த்தப்படவில்லை எனவும், ராஜுடனான விசுவாசம் மற்றும் நீண்டகால நட்பின் காரணமாககொலையில் பங்கேற்றதாகவும் தெரிவித்தனர்.
இந்த சதித்திட்டம் பிப்ரவரி மாதத்திலிருந்து நடந்து வருவதாக போலீசார் தெரிவித்ததாக இந்தியா டுடே செய்தி தெரிவிக்கிறது.
பிளான்
பிளான் A, B, மற்றும் C: ராஜாவை கொல்வது முதற்கட்ட திட்டமல்ல
இவர்களின் முதற்கட்ட திட்டத்தில், சோனம் ஆற்றில் மூழ்கி இறந்தது போல் காட்டி, காணாமல் போனதாக போலியாக சித்தரிப்பது.
மற்றொரு திட்டத்தில், அடையாளம் தெரியாத ஒரு பெண்ணைக் கொன்று, உடலை எரித்து, அதை சோனமின் தற்கொலை என்று பொய்யாகக் கூறுவது என்று திட்டமிடப்பட்டது.
இந்தத் திட்டங்கள் அனைத்தும் தோல்வியடைந்தபோது தான், சோனம் ராஜாவுடனான திருமணத்தை மேற்கொண்டார்.
வாக்டைட்டில் இறுதியாக ராஜாவை கொல்வதற்கு முன்னதாக மூன்று தோல்வியுற்ற கொலை முயற்சிகள் நடந்ததாக போலீசார் தெரிவித்தனர்.
குவஹாத்தி, நோங்ரியாட் மற்றும் மௌக்லீஹ் ஆகிய இடங்களில் முன்னதாகத் திட்டமிடப்பட்டிருந்த கொலை முயற்சிகள், தளவாட சிக்கல்கள் காரணமாக கைவிடப்பட்டன.
அவர்களின் திட்டம் தோல்வியடைந்தபோது தான், சோனம் ஷில்லாங்கிற்குச் செல்ல முன்மொழிந்தார். அங்குதான் கொலை இறுதியில் நிறைவேற்றப்பட்டது.
கொலை விவரங்கள்
சோனம் இருக்கையிலே தான் கொலை நடந்தது!
மே 23 அன்று, நோங்ரியாட்டில் உள்ள வாக்டைட் அருகே ஒரு வாகன நிறுத்துமிடத்தில், ராஜா கழிப்பறைக்குச் செல்லச் சென்றபோது, அவரது மூன்று கூட்டாளிகளால் தாக்கப்பட்டு கொல்லப்பட்டார்.
இந்தத் தாக்குதல் பிற்பகல் 2:00 மணி முதல் 2:18 மணிக்குள் நடந்தது.
அதன் பிறகு அந்தக் குழு அவரது உடலை அருகிலுள்ள பள்ளத்தாக்கில் வீசியது.
சம்பவம் முழுவதும் சோனம் சம்பவ இடத்திலேயே இருந்ததாக போலீசார் உறுதிப்படுத்தினர்.
தப்பித்தல்
இந்தூர் திரும்பிய சோனம்
கொலைக்குப் பிறகு, சோனம் தனது இரத்தக் கறை படிந்த ரெயின்கோட்டை கொலையாளி ஆகாஷிடம் கொடுத்தார், அவர் அதை அப்புறப்படுத்தினார்.
பின்னர் நால்வரும் ஸ்கூட்டர்களில் அந்தப் பகுதியை விட்டு தப்பிச் சென்றனர்.
சோனம் அவர்களில் ஒருவரை ஓட்டிச் சென்றார்.
பின்னர் காதலன் ராஜின் அறிவுறுத்தலின் பேரில், மற்றொரு குற்றவாளியான விஷால் வழங்கிய பர்தாவை அணிந்து, தப்பிச் செல்ல ஒரு டாக்ஸியை எடுத்துக் கொண்டார்.
பின்னர் சோனம் குவஹாத்தியில் இருந்து சிலிகுரிக்கும், பின்னர் பாட்னா, ஆரா, லக்னோ மற்றும் இறுதியாக இந்தூருக்கும் பயணம் செய்து, மே 26 முதல் ஜூன் 8 வரை அங்கு தங்கினார்.
மூன்று கூட்டாளிகள் கைது செய்யப்பட்டதைத் தொடர்ந்து ராஜ் குஷ்வாஹாவின் பீதியே சோனம் ரகுவன்ஷியின் கைதுக்கு வழிவகுத்ததாக போலீசார் தெரிவித்தனர்.
இறுதி திட்டம்
ராஜாவின் உடல் சிதைந்து போய் கண்டுபிடிக்க முடியாமல் போக வேண்டும் என்பதே திட்டம்
ஜூன் 8 ஆம் தேதி, உத்தரபிரதேசம் மற்றும் மத்தியப் பிரதேசத்தைச் சேர்ந்த போலீஸ் குழுக்கள் அந்தக் குழுவை நெருங்கி வந்தபோது, ராஜ் சோனமை இந்தூரை விட்டு வெளியேறி சிலிகுரிக்குச் செல்லும்படி அறிவுறுத்தினார்.
அங்கு அவள் கடத்தப்பட்டவராக நடிக்க வேண்டும் எனவும் ராஜ் அறிவுறுத்தியுள்ளார்.
ராஜாவின் உடல் அடையாளம் காண முடியாத அளவுக்கு சிதைந்து போன பின்னர், போலி கடத்தலில் இருந்து தப்பியவராக சோனம் மீண்டும் வெளிவந்து, ஒரு பாதிக்கப்பட்டவராக சித்தரிப்பதே இந்தத் திட்டத்தின் இறுதி இலக்காக இருந்ததாக போலீசார் தெரிவித்தனர்.
சோனம் குடும்ப அழுத்தத்தின் பேரில் ராஜாவை மணந்திருக்கலாம் என்றும் விசாரணைகள் தெரிவிக்கின்றன. இருப்பினும் ராஜுடனான அவரது காதல் அவரது குடும்பத்தினருக்குத் தெரியுமா என்பது தெளிவாகத் தெரியவில்லை.