தமிழ்நாடு மாநிலத்தின் அடுத்த டிஜிபி யார் என டெல்லியில் ஆலோசனை கூட்டம்
செய்தி முன்னோட்டம்
தமிழ்நாடு மாநிலத்தின் சட்ட-ஒழுங்கு டிஜிபி-யாக சைலேந்திர பாபு அவர்கள் கடந்த 2021ம் ஆண்டு நியமனம் செய்யப்பட்டார்.
அதன்படி, அவரது பணிக்காலமானது வரும் 30ம் தேதியோடு நிறைவடைகிறது.
இதனையடுத்து தமிழகத்தின் அடுத்த டிஜிபி'யாக யார் நியமிக்கப்படுவார்கள் என்னும் எதிர்பார்ப்பு எழுந்துள்ள நிலையில், டெல்லியில் இது குறித்து யு.பி.எஸ்.சி. தலைமை அலுவலகத்தில் ஆலோசனை கூட்டமானது துவங்கியது என்று செய்திகள் தெரிவிக்கிறது.
இந்த ஆலோசனை கூட்டத்தில் உள்துறை செயலாளர் அமுதா, தலைமை செயலாளர் இறையன்பு, தற்போதைய டிஜிபி'யான சைலேந்திர பாபு உள்ளிட்டோர் பங்கேற்றுள்ளனர்.
தமிழகத்தின் அடுத்த சட்ட-ஒழுங்கு டிஜிபி பதவிக்கு பணி மூப்பின் அடிப்படையில் 13 அதிகாரிகள் உள்ளதாக தகவல்கள் தெரிவிக்கிறது.
ஆலோசனை
13 ஐபிஎஸ் அதிகாரிகள் கொண்ட பட்டியலில் இருந்து ஒருவர் தேர்வு
இந்த 13 பேரில் டிஜிபி பதவிக்கான அந்தஸ்தில் ஐபிஎஸ் அதிகாரிகளான சஞ்சய் அரோரா, சங்கர் ஜிவால், ரவிசந்திரன், சீமா அகர்வால், அமரேஷ் புஜாரி, சந்தீப் ராய் ரத்தோர், ஆபாஷ் குமார், பிரஜ்கிஷோர் ரவி, ராஜீவ் குமார், வன்னிய பெருமாள், அபய்குமார் சிங், ஏ.கே.விஸ்வநாதன் ஆகியோர் போட்டிக்கான பட்டியலில் உள்ளனர் என்று கூறப்படுகிறது.
அதன்படி, இந்த பட்டியலில் உள்ளோரை ஆய்வு செய்து தகுதி கொண்ட நபர்களை யு.பி.எஸ்.சி. தமிழக அரசுக்கு பரிந்துரை செய்யும் என்றும் தெரிகிறது.
இவ்வாறு பரிந்துரை செய்யப்படும் பெயர்களில் இருந்து ஒருவரை தமிழக அரசு தமிழக காவல்துறை புதிய சட்ட ஒழுங்கு டிஜிபி'யாக நியமிக்கும் என்பது குறிப்பிடத்தக்கது.