அல்லா காது கேளாதவரா: பாஜக எம்எல்ஏவின் சர்ச்சை பேச்சு
செய்தி முன்னோட்டம்
கர்நாடக பாஜக தலைவர் ஒருவர் இஸ்லாமிய தொழுகையைப் பற்றி சர்ச்சைக்குரிய கருத்துக்களைத் தெரிவித்துள்ளார்.
அல்லா காது கேளாதவரா, அவரை தொழுவதற்கு ஏன் ஒலிபெருக்கிகள் பயன்படுத்தப்பட வேண்டும் என்று பாஜக மூத்த தலைவரும், முன்னாள் அமைச்சருமான கே.எஸ்.ஈஸ்வரப்பா கூறிய கருத்துக்கள் சர்ச்சையாகியுள்ளன.
கே.எஸ்.ஈஸ்வரப்பா ஒரு பொதுக் கூட்டத்தில் உரையாற்றிக் கொண்டிருந்தபோது, அருகில் இருந்த ஒரு மசூதியில் தொழுகை சத்தம் கேட்டிருக்கிறது.
அப்போது, "நான் எங்கு சென்றாலும், இது (தொழுகை) எனக்கு தலைவலியை ஏற்படுத்துகிறது" என்று கூறிய ஈஸ்வரப்பா, "உச்சநீதிமன்றத்தின் தீர்ப்பு வர உள்ளது, இன்று இல்லையென்றால் நாளை இந்த தொழுகைக்கு ஒரு முடிவு வரும்." என்று கூறினார்.
இந்தியா
திப்பு சுல்தான் பற்றி பரவலாக பேசப்பட்ட சர்ச்சை
அதன் பின், தொழுகையின் போது ஒலிபெருக்கி பயன்படுத்தினால் மட்டும் தான் அல்லாஹ் பிரார்த்தனையை கேட்பாரா என்று கேள்வி எழுப்பிய பாஜக தலைவர்,
"கோவில்களில் பெண்கள் பிரார்த்தனை மற்றும் பஜனை செய்கிறார்கள். நாங்களும் பக்திமான்கள் தான். ஆனால் நாங்கள் ஒலிபெருக்கி பயன்படுத்துவதில்லை. ஒலிபெருக்கியில் தான் தொழுகை செய்ய வேண்டும் என்றால், அல்லாவுக்கு காது கேளாது என்று அர்த்தம்." என்று கூறியுள்ளார்.
துணை முதல்வராகவும் பணியாற்றிய ஈஸ்வரப்பாவுக்கு சர்ச்சைகள் புதிதல்ல. சில மாதங்களுக்கு முன் 18ஆம் நூற்றாண்டின் மைசூர் ஆட்சியாளர் திப்பு சுல்தானை "முஸ்லீம் குண்டா" என்று இவர் அழைத்ததனால் அப்போது ஒரு சர்ச்சை கிளம்பியது.