முதல்வர் ஸ்டாலின் வீட்டுக்கு வெடிகுண்டு மிரட்டல் விடுத்தவர் கைது
செய்தி முன்னோட்டம்
முதல்வர் மு.க. ஸ்டாலின் வீட்டில் வெடிகுண்டு வைக்கப்பட்டிருப்பதாக தொலைபேசி மூலம் மிரட்டல் விடுத்தவரை காவல்துறையினர் கைது செய்தனர்.
முதல்வர் மு.க.ஸ்டாலின் வீட்டில் வெடிகுண்டு வைத்திருப்பதாக இன்று அதிகாலை காவல்துறை கட்டுப்பாட்டுக்கு அறைக்கு ஒரு அழைப்பு வந்தது.
இதனையடுத்து, தேனாம்பேட்டையில் உள்ள முதல்வர் மு.க. ஸ்டாலினின் அரசு பங்களா பரபரப்பானது.
எனினும், முதல்வர் மு.க.ஸ்டாலின் இந்த அரசு பங்களாவை தவிர்த்து தனது சொந்த வீட்டில் வசித்து வருகிறார் என்பது குறிப்பிடத்தக்கது.
திடீரென்று வெடிகுண்டு மிரட்டல் வந்ததை அடுத்து, முதல்வர் மு.க.ஸ்டாலின் வீட்டிற்கு வெடிகுண்டு நிபுணர்கள் வரவழைக்கப்பட்டனர்.
டோகிவ்ஜ்ல்
வெறும் மிரட்டல் மட்டுமே உண்மை இல்லை
வெடிகுண்டு நிபுணர்கள் இன்று அதிகாலை முதல்வரின் வீட்டை புரட்டி போட்டு சோதனை செய்தனர். ஆனால், வெடிகுண்டு எதுவும் கண்டுபிடிக்கப்படவில்லை.
இந்நிலையில், காவல்துறைக்கு வந்த அழைப்பு வெறும் மிரட்டல் மட்டுமே உண்மை இல்லை என்பது தெரியவந்தது.
எனவே, சோதனை பணிகளும் நிறுத்தப்பட்டன.
அதனை தொடர்ந்து, யார் இந்த மிரட்டல் அழைப்பை விடுத்தது என்பதை கண்டறிய போலீஸார் தங்களிடம் இருந்த தொலைபேசி எண்ணை ட்ராக் செய்தனர்.
ட்ராக் செய்தததில், கன்னியாகுமாரி மாவட்டத்தை சேர்ந்த இசக்கிமுத்து என்பவர் தான் இந்த மிரட்டலை விடுத்திருந்தார் என்பது கண்டறியப்பட்டது.
அதன் பிறகு, இது குறித்து பூதப்பாண்டி என்ற பகுதியின் காவல்துறைக்கு தகவல் அளிக்கப்பட்டது.
பூதப்பாண்டி போலீஸார் இசக்கிமுத்தை கைது செய்து விசாரணை நடத்தி வருகின்றனர்.