நாளை இந்தியா வருகிறார் மாலத்தீவு வெளியுறவு அமைச்சர் மூசா ஜமீர்
செய்தி முன்னோட்டம்
மாலத்தீவின் சீன-சார்பு அதிபர் முகமது முய்சு ஆறு மாதங்களுக்கு முன்பு பதவியேற்ற பிறகு முதல் முறையாக ஒரு உயர்மட்ட தலைவர் நாளை இந்தியா வர உள்ளார். மாலத்தீவின் வெளியுறவு மந்திரி மூசா ஜமீர் மே 9 அன்று இந்தியா வருகிறார்.
ஜமீரின் வருகையை அறிவித்த வெளிவிவகார அமைச்சகம், இந்த பயணம் இருதரப்பு ஒத்துழைப்பிற்கு மேலும் உத்வேகத்தை அளிக்கும் என்று எதிர்பார்க்கப்படுகிறது என்றார்.
மாலத்தீவில் மூன்று ராணுவ தளங்களில் செயல்பட்டு வரும் இந்திய ராணுவ வீரர்களை திரும்பப் பெற வேண்டும் என்று முய்சு வலியுறுத்தியதை அடுத்து இரு நாடுகளுக்கும் இடையேயான உறவுகள் கடுமையான சிதைந்தன.
இந்தியா ஏற்கனவே தனது பெரும்பாலான ராணுவ வீரர்களை மாலைதீவில் இருந்து திரும்பப் பெற்றுள்ளது.
இந்தியா
பரஸ்பர நலன் சார்ந்த இருதரப்பு பேசுவார்த்தை நடக்கும்
அதிபர் முய்ஸு தனது நாட்டிலிருந்து இந்திய இராணுவத் துருப்புக்களைமே 10 ஆம் தேதிக்குள் மாலத்தீவில் இருந்து திரும்பப் பெற வேண்டும் என்று காலக்கெடு நிர்ணயித்து இருந்தார்.
"மாலத்தீவின் வெளியுறவுத்துறை அமைச்சர் மூசா ஜமீர், மே 9-ம் தேதி அதிகாரப்பூர்வ பயணமாக இந்தியா வருவார்" என்று வெளியுறவு அமைச்சகம் (MEA) நேற்று தெரிவித்தது.
பரஸ்பர நலன் சார்ந்த இருதரப்பு மற்றும் பிராந்திய விவகாரங்கள் குறித்து விவாதிக்க வெளியுறவுத்துறை அமைச்சர் எஸ் ஜெய்சங்கரை ஜமீர் சந்திக்கவுள்ளார்.
இந்தியப் பெருங்கடல் பிராந்தியத்தில் இந்தியாவின் முக்கிய கடல்சார் அண்டை நாடான மாலத்தீவுகளின் வெளியுறவு அமைச்சர் ஜமீரின் வருகை இரு நாடுகளுக்கும் இடையிலான இருதரப்பு ஒத்துழைப்புக்கு மேலும் உத்வேகத்தை அளிக்கும் என்று எதிர்பார்க்கப்படுகிறது.