கரூர் மாவட்டத்திற்கு வரும் மே 31ம் தேதி உள்ளூர் விடுமுறை
தமிழ்நாடு மாநிலம் கரூர் மாவட்டத்திற்கு வரும் மே 31ம்தேதி உள்ளூர் விடுமுறை என்று அம்மாவட்ட ஆட்சியர் தெரிவித்துள்ளார். கரூரில் அமைந்துள்ள மகா மாரியம்மன் வைகாசி மாத திருவிழா ஒவ்வொரு ஆண்டும் மிக விமர்சையாக நடத்தப்படுவது வழக்கம். அதன்படி வரும் மே மாதம் 14ம்தேதியே வைகாசி பெருவிழா அந்த கோயிலில் துவங்கப்படவுள்ளது. இந்த திருவிழாவின் முக்கிய நிகழ்வான கம்பம் ஆற்றிற்கு செல்லும் நிகழ்ச்சி மே மாதம் 31ம் தேதி நடக்கவுள்ளது. இதனை முன்னிட்டே அன்றைய தினம் உள்ளூர் விடுமுறை தினமாக அறிவிக்கப்பட்டுள்ளது. தமிழகத்தின் அனைத்து மாவட்டங்களிலும் கொண்டாடப்படும் முக்கிய பண்டிகைகள் மற்றும் கோயில் திருவிழாக்களின் போது பொதுமக்கள் அந்த விழாவில் பங்குகொள்வதற்காக உள்ளூர் விடுமுறை அந்த குறிப்பிட்ட மாவட்ட ஆட்சியரால் அறிவிக்கப்படுகிறது என்பது குறிப்பிடத்தக்கது.
