இந்திய-ஜப்பான் உச்சிமாநாடு: டெல்லிக்கு வந்திருக்கும் ஜப்பான் பிரதமர்
ஜப்பான் பிரதமர் ஃபுமியோ கிஷிடா, இந்தியா-ஜப்பான் வருடாந்திர உச்சி மாநாட்டில் பங்கேற்பதற்காக இன்று(மார் 20) புது டெல்லி வந்தடைந்தார். மேலும், அவர் இன்று(மார் 20) பிரதமர் நரேந்திர மோடியை சந்திக்கிறார். தற்போது ஜி20 மாநாட்டில் இந்தியா தலைமை தாங்கி வரும் நிலையில், அடுத்த மாதம் ஜி7 மாநாட்டை ஜப்பான் நடத்துகிறது. அதனால். இந்த சந்திப்பு முக்கியத்துவம் வாய்ந்ததாக பார்க்கப்படுகிறது. முக்கியமான உலகளாவிய பிரச்சினைகளை கையாளுவதற்கு G20 மற்றும் G7 நாடுகள் இரண்டும் எவ்வாறு நெருக்கமாகச் செயல்படலாம் என்பது குறித்து இரு பிரதமர்களுக்கும் கலந்துரையாட உள்ளனர். இந்திய உலக விவகார கவுன்சில்(ICWA), இந்த மாநாட்டின் விரிவுரையின் போது 'அமைதிக்கான இலவச மற்றும் திறந்த இந்தோ-பசிபிக் திட்டத்தை' அறிவிக்க உள்ளது.
வருடாந்திர உச்சிமாநாட்டில் நடக்க இருக்கும் நிகழ்வுகள்
எனவே, பிரதமர் கிஷிடா, இந்தோ-பசிபிக் பிராந்தியத்தை பாதுகாத்தல் மற்றும் மேம்படுத்துதல் குறித்து இந்தியாவுடன் நெருக்கமாக பணியாற்றுவார் என்று எதிர்பார்க்கப்படுகிறது. இந்த வருடாந்திர உச்சிமாநாட்டின் போது, பிரதமர் கிஷிடா, நடைபெறவுள்ள G20, G7, QUAD மற்றும் SCO மாநாடு உட்பட பல வரவிருக்கும் உச்சிமாநாடுகளைப் பற்றி ஆலோசிப்பார் என்று எதிர்பார்க்கப்படுகிறது. பிரதமர் கிஷிடா, இந்தோ-பசிபிக் திட்டம் குறித்து பிரதமர் மோடியுடன் விவாதிப்பார் என்றும், அதை செயல்படுத்துவதில் இந்தியாவின் ஒத்துழைப்பைப் பெறுவார் என்றும் எதிர்பார்க்கப்படுகிறது. பிரதமர் கிஷிடா, இந்தோ-பசிபிக் மூலோபாயம் மற்றும் ஜப்பானின் புதுப்பிக்கப்பட்ட பாதுகாப்பு நிலைப்பாடு குறித்த முக்கிய உரையை ஆற்றுவார். ரஷ்யாவிற்கு எதிராக அதிக தடைகளை விதிக்க ஜப்பான் அழுத்தம் கொடுத்து வரும் நிலையில், உக்ரைன் நெருக்கடி பற்றியும் விவாதிக்கப்படும் என்று எதிர்பார்க்கப்படுகிறது.
