ஆவின் ஊழியர்களின் இடைக்கால உத்தரவிற்கு இடைக்கால தடை - சென்னை உயர்நீதிமன்றம்
செய்தி முன்னோட்டம்
ஆவின் நிர்வாகத்தில் அதிமுக ஆட்சியின்போது பணி நியமனங்களில் விதிமுறை மீறல் நடந்ததாக குற்றம் சாட்டப்பட்டது.
இதன் அடிப்படையில், கடந்த 2020-2021ம் ஆண்டுகளில் 8 மாவட்ட பால் உற்பத்தியாளர்கள் சங்கங்கள் மற்றும் ஆவின் தலைமையகங்களில் நேரடியாக நியமிக்கப்பட்ட 236 ஊழியர்களை ஆவின் நிர்வாகம் பணிநீக்கம் செய்தது.
இதற்கு எதிர்ப்பு தெரிவித்து 25 ஊழியர்கள் சென்னை உயர்நீதிமன்றத்தில் வழக்கு தொடர்ந்தனர்.
இந்த வழக்கானது, சென்னை உயர்நீதிமன்றத்தில் இன்று விசாரணைக்கு வந்தது. அப்போது ஊழியர்கள் தரப்பில் ஆஜரான வழக்கறிஞர், பணி நீக்க தொடர்பாக எந்த நோட்டிஸும் கொடுக்கவில்லை என்று கூறினார்.
மார்ச் 17ம்தேதி ஒத்திவைப்பு
முன்னறிவிப்பின்றி பணி நீக்கம் செய்யப்பட்டதாக குற்றச்சாட்டு
இதனை தொடர்ந்து, ஆவினில் எந்த நோட்டீஸும் கொடுக்காமல் 25 ஊழியர்களை பணிநீக்கம் செய்யப்பட்ட உத்தரவுக்கு நீதிபதிகள் இடைக்கால தடை விதித்து உத்தரவிட்டுள்ளார்கள்.
மேலும், ஊழியர்கள் பணி நீக்கம் தொடர்பாக ஆவின் நிறுவனம் தக்க விளக்கம் அளிக்க வேண்டும் என்றும் கூறிய நீதிமன்றம், இந்த வழக்கினை மார்ச் மாதம் 17ம் தேதிக்கு ஒத்திவைத்து உத்தரவிட்டுள்ளது.
முன்னதாக, அதிமுக ஆட்சியின் போது லஞ்சம் பெற்று பணி ஆணை பிறப்பித்ததாக கூறி இந்த 25 பேரை ஆவின் நிர்வாகம் பணி நீக்கம் செய்தது.
2 ஆண்டுகளாக பணியில் நீடிக்கும் நிலையில் முன்னறிவிப்பின்றி பணி நீக்கம் செய்ததாக கூறி வழக்கு தொடரப்பட்டது குறிப்பிடத்தக்கது.