2024 மக்களவை தேர்தலுக்கு வியூகம் வகுக்கும் குழுவில் இருந்து முக்கிய தலைவரை விலக்கியது காங்கிரஸ்
செய்தி முன்னோட்டம்
கர்நாடகா மற்றும் தெலுங்கானாவில் காங்கிரஸ் கட்சியை வெற்றி பெற செய்த தேர்தலுக்கு வியூகம் வகுக்கும் ஜாம்பவான் சுனில் கனுகோல், 2024 மக்களவை தேர்தல் பிரச்சாரத்தில் கலந்து கொள்ள போவதில்லை.
முன்பு காங்கிரஸின் 'டாஸ்க் ஃபோர்ஸ் 2024' இன் ஒரு பகுதியாக இருந்த அவர், தற்போதைக்கு ஹரியானா மற்றும் மகாராஷ்டிரா பிரச்சாரங்களில் மட்டும் கவனம் செலுத்துவார் என்று வட்டாரங்கள் தெரிவித்துள்ளன.
இரண்டு ஆண்டுகளுக்கு முன்பு, பிரசாந்த் கிஷோர், தேர்தல் பேச்சுவார்த்தையில் இருந்து வெளியேறிய பிறகு, காங்கிரஸ் கட்சியின் பொதுத் தேர்தல் பிரச்சாரத்தில் இருந்து விலக இருக்கும் இரண்டாவது உயர்மட்ட வியூகம் வகுக்கும் ஜாம்பவான் சுனில் கனுகோல் ஆவார்.
டக்ஜ்வ்க்
காங்கிரஸ் கட்சிக்கு ஏற்பட்டிருக்கும் ஒரு "சிறிய பின்னடைவு"
சுனில் கனுகோலுக்கு பரிச்சயமான பிரச்சார அணிகள் ஏற்கனவே ஹரியானா மற்றும் மகாராஷ்டிரா மாநிலங்களில் இருப்பதால், கர்நாடகா மற்றும் தெலுங்கானாவில் கடந்த ஆண்டு காங்கிரஸை அவர் வெற்றி பெற செய்தது போலவே, அந்த இரு மாநிலங்களிலும் கட்சியை வெற்றி பெற செய்வார் என்ற நம்பிக்கையில் காங்கிரஸ் கட்சி உள்ளது.
எனினும், வருகிற பொது தேர்தலில் கட்சியை வழிநடத்த காங்கிரஸின் முக்கிய தேர்தல் தந்திரவாதி இல்லை என்ற செய்தி பிற கட்சிகளின் கவனத்தை ஈர்த்துள்ளது.
இது குறித்து பேசிய ஒரு காங்கிரஸ் மூத்த தலைவர்,மக்களவை தேர்தல் பிரச்சாரத்தில் அவர் இல்லாதது "சிறிய பின்னடைவு" தான் என்று ஒப்புக்கொண்டார்.
இருப்பினும், நீண்ட காலத்திற்கு வெற்றியை தக்க வைப்பதற்கு காங்கிரஸ் எடுத்திருக்கும் முக்கிய முடிவு இது என்றும் கூறப்படுகிறது.