திருவாரூரில் பல கோடி மதிக்கத்தக்க ஐம்பொன் சிலைகள் மீட்பு - 2 பேர் கைது
தமிழ்நாடு மாநிலம் திருவாரூர் மாவட்டத்தில் நன்னிலம் கடைத்தெருவில் பகவான் மெஸ் என்னும் உணவகம் செயல்பட்டு வருகிறது. இதனை கண்ணன்(53) என்பவர் நடத்தி வருகிறார், அவருடைய மகன் சூர்யப்பிரகாஷ்(23). இவர்கள் வீட்டில் பழங்கால ஐம்பொன் சிலைகள் மற்றும் செப்பு நாணையங்கள் இருப்பதாக ரகசிய தகவல் கிடைத்துள்ளது. இந்த தகவலின் அடிப்படையில் திருச்சி சிலை கடத்தல் தடுப்பு பிரிவு ஆய்வாளர் இந்திரா மற்றும் கும்பகோணம் குற்ற புலனாய்வுத்துறை ஆய்வாளர் இலக்குமணன் ஆகியோர் தலைமையில் 10க்கும் மேற்பட்ட காவல்துறையினர் இன்று(மே.,4) அதிகாலை கண்ணன் வீட்டிற்குள் சிலை வாங்குவது போல் நுழைந்து அதிரடியாக சோதனையினை மேற்கொண்டனர்.
பல கோடி மதிப்புள்ள சிலைகள், செப்பு நாணையங்கள் மீட்பு
இந்த சோதனையின்போது அவர்களுக்கு 1,000ஆண்டுகள் பழமையான தன்வந்திரி ஐம்பொன் சிலை, 1 1/4 அடிஉயரம் கொண்ட ராக்காயிஅம்மன் வெண்கலச்சிலை மற்றும் ஆயிரம் ஆண்டு பழமைவாய்ந்த முக்கால் கிலோ எடைக்கொண்ட 2 செப்புநாணையங்கள் ஒரு காலச்சக்கரம் ஆகியன கிடைத்துள்ளது. இதனையடுத்து கண்ணன் மற்றும் அவரது மகன் கைதுச்செய்யப்பட்டனர். இதுகுறித்து சூரியப்பிரகாஷிடம் விசாரித்ததில், மன்னார்குடி திருமைக்கோட்டத்தில் அகஸ்தியர் கோயில் கட்டுமான பணி நடந்து வருகிறது. அந்த கோயிலை சேர்ந்த மாரியப்பன் என்பவரிடமிருந்து சிலைகள் மற்றும் செப்புநாணையங்கள் வாங்கி விற்பனை செய்ய வீட்டில் பதுக்கி வைத்துருப்பதாக கூறியுள்ளார். இதன் மதிப்பு பல கோடிகள் இருக்கும் என்று கூறப்படுகிறது. இதனைத்தொடர்ந்து தற்போது அந்த மாரியப்பனிடன் விசாரணை நடத்த சிலை கடத்தல் தடுப்புப்பிரிவு மற்றும் குற்ற புலனாய்வுத்துறை காவல்துறையினர் தெரிவித்துள்ளனர்.
இந்த காலவரிசையைப் பகிரவும்