சிறிய சிற்றுண்டிக் கடையாகத் திறக்கப்பட்ட ரூ.4000 கோடி மதிப்பை எட்டிய ஹால்டிராம்: பகுதி-1
சிறிய சிற்றுண்டி வணிகமாகத் தொடங்கப்பட்டு, உலகின் பல்வேறு நாடுகளுக்கும் பரவி, கிட்டத்தட்ட 4000 கோடி ரூபாய் மதிப்பை எட்டி ஒரு நிறுவனத்தைப் பற்றி உங்களுக்குத் தெரியுமா? அது வேறு எதுவும் இல்லை, இந்தியாவைச் சேர்ந்த ஹால்டிராம் (Haldiram) நிறுவனம் தான். இந்தப் பெயரை நாம் கடையில் வாங்கி சாப்பிடும் 'மூங் தால்' போன்ற சிற்றுண்டிகளின் பாக்கெட்டுகளில் பார்த்திருப்போம். ராஜஸ்தானில் உள்ள பிக்கானேர் மாவட்டத்தில் உள்ள கங்கா பிஷான் அகர்வால் என்பவரின் தந்தை, 'புஜியா' என்ற ஒரு சிற்றுண்டியை தயாரித்து விற்பனை செய்து வந்தார். அவர் மட்டுமல்ல, அந்தப் பகுதியில் இருக்கும் பல விற்பனையாளர்கள் இந்த சிற்றுண்டியைத் தயாரித்து விற்பனை செய்து வந்தார்கள். 1920-களில் இந்த புஜியா என்ற சிற்றுண்டி அங்கு மிகவும் பிரபலம்.
புதிய சுவை:
அனைத்து விற்பனையாளர்களின் புஜியாவுமே கிட்டத்தட்ட ஒரே மாதிரியான சிறப்பான கொண்டிருந்திருக்கிறது. இதனால் அனைவருக்குமிடையே விற்பனையில் கடுமையான போட்டி. ஆனால், இந்த சிற்றுண்டியின் சுவையானது கங்கா பிஷான் அகர்வாலுக்கு மட்டும் ஏனோ திருப்தி அளிக்கவில்லை. எனவே, பல்வேறு புதிய பொருட்களை பயன்படுத்தி பலகட்ட சோதனைகளுக்குப் பிறகு புதிய சுவை கொண்ட புஜியாவை தயாரித்தார் அவர். அப்பகுதி மக்கள் இதுவரை சாப்பிட்டிராத ஒரு சுவை. அந்த சுவை கொண்ட புஜியா மக்கள் மனதில் நீங்காமல் இடம் பிடிக்க. பிக்கானேரில் வளரத் தொடங்கியது 'ஹால்டிராம்'. இதனை தயாரித்த கங்கா பிஷான் அகர்வால் அனைவராலும் 'ஹால்டிராம் ஜீ' என அன்பாக அழைப்பட்டார். ஹால்டிராமின் வளர்ச்சிக்கு இவர் தயாரித்த புதிய சுவை தான் தொடக்கப் புள்ளி.