ரம்ஜான் பண்டிகைக்கு வாழ்த்து தெரிவித்துள்ளார் முதல்வர் மு.க.ஸ்டாலின்
செய்தி முன்னோட்டம்
தமிழ்நாடு முதல்வர் மு.க.ஸ்டாலின் அவர்கள் அண்மையில் தனது ரம்ஜான் வாழ்த்துக்களை இஸ்லாமியர்களுக்கு தெரிவித்து செய்தி குறிப்பு ஒன்றினை வெளியிட்டுள்ளார். அந்த செய்தி குறிப்பில் அவர் கூறியுள்ளதாவது, மனிதநேயம் போற்றும் ரம்ஜான் திருநாள் கொண்டாடும் அன்பிற்குரிய இஸ்லாமிய சகோதர சகோதரிகள் அனைவருக்கும் எனது உளமார்ந்த நல்வாழ்த்துக்களை உரித்தாக்கி மகிழ்கின்றேன். அன்பை அடக்க உணர்வை, எளிமையை போதித்த அண்ணல் நபிகள் பெருமான், 'அண்டை வீட்டுக்காரன் பசியோடு இருக்கும்பொழுது நீ மட்டும் சாப்பிடாதே. உன் உழைப்பில் கிடைக்கும் வருவாயில் ஒரு பகுதியினை ஏழைகளுக்கு கொடு' என போதித்து, மானுடன் அனைத்தும் பேரன்பால் பிணைக்கப்பட வேண்டியது என்பதை எடுத்து காட்டியவர் என்று அவர் குறிப்பிட்டுள்ளார்.
ரமலான்
இன்பமும், நலமும் நிறைந்த இனிமை பெருகட்டும்
மேலும், சமத்துவம், சகோதரத்துவம் என்னும் உன்னத லட்சியங்களை உலகிற்கு தனது ஈகையாக வழங்கி சென்றவர் அண்ணல் நபிகள் பெருமான். திராவிட முன்னேற்ற கழகம் நமது திராவிட மாடல் அரசும் நபிகள் பெருமான் காட்டிய சமத்துவ சமுதாயம் அமைக்கும் பணியில் சமரசமின்றி தனது பயணத்தினை தொடருகிறது, என்றென்றும் தொடரும். நபிகள் பெருமான் போதித்த நெறி வழி நின்று, நோன்பு கடமைகளை நிறைவேற்றி முடித்துள்ள மனநிறைவோடு ரமலான் திருநாளை கொண்டாடும் அன்பிற்குரிய இஸ்லாமிய சமூகத்தினர் அனைவருக்கும் எனது உள்ளம் நிறைந்த ரம்ஜான் வாழ்த்துக்களை தெரிவித்து கொள்கிறேன். இஸ்லாமிய பெருமக்களின் வாழ்வில் என்றென்றும் இன்பமும், நலமும் நிறைந்த இனிமை பெருகட்டும் என்று தெரிவித்துள்ளார்.